Пфальц

Зьвесткі зь Вікіпэдыі — вольнай энцыкляпэдыі
Нюрнбэргскі пфальц, у далейшым эвалюцыянаваў у замак

Пфальц — абаронча-рэпрэзэнтатыўнае збудаваньне, або комплекс збудаваньняў нямекціх імпэратараў. Пазьней эвалюцыянавала ў замак.

Паходжаньне слова[рэдагаваць | рэдагаваць крыніцу]

Нямецкае слова Pfalz мае лацінскае паходжаньне, у якім, дарэчы, і адлюстраваны ягоны сэнс. Адзін з найвышэйшых зь сямі рымскіх ўзгоркаў меў назву palatin. На ім рымскія імпэратары збудавалі вялікі комплекс шыкоўных палацаў. Гэты ўзгорак стаў сымбалем імпэратарскай улады, а разам з тым і сымбалем ўсёй Рымскай імпэрыі.Слова рalatinum у хуткім часе набыло значэньне шыкоўнай рэзыдэнцыі. Адсюль паходзіць нямецкае слова Pfalz, таксама як і беларускае палац.

Гісторыя[рэдагаваць | рэдагаваць крыніцу]

У першых пфальцах рэпрэзэнтатыўнасьць брала верх над патрэбамі абароны. Карл Вялікі ўсталяваў моцную імпэратарскую ўладу ўнутры краіны і яму не было патрэбы ўмацоўваць свой шыкоўны пфальц у Аахэне. Але з разьвіцьцём фэадалізму, дэцэнтралізацыяй і ўзмацненьнем міжусобнай барацьбы ў франкскай імпэрыі, а затым і ў новым дзяржаўным утварэньні Сьвятарнай Рымскай Імпэрыі пфальцы пачалі будаваць ўсё больш абароназдольнымі, эвалюцыянуючы да абарончых замкаў.

Пфальц і замак у навуцы доўгі час разумеліся як тоесныя зьявы – умацаванае жытло ці сядзіба фэадала, ці пфальцам лічылі наўпрост замак вялікага памеру, з шматлікімі жылымі і гаспадарчымі памяшканьнямі, прызначанымі для каралеўскага цэрыманіялу і жыцьця двара. У першай палове і сярэдзіне ХХ-ага стагодзьдзя ў нямецкамоўнай літаратуры клясычныя нямецкія фэадальныя замкі ХІІ-ХІІІ стагодзьдзі разумеліся як паменшаныя копіі замкаў часоў Штаўфэнаў (1138-1250), якія абаранялі пэўнае месца, сядзібу-жытло ад навакольле. Яны і насамрэч былі падобныя, аднак не былі ўлічаны розныя карані паходжаньня пфальцаў, што ідуць з антычнасьці, і фэадальных замкаў, разьвіцьцё якіх у нямецкамоўным рэгіёне распачалося ў Х-ХІ стст[1]. Вядомы дасьледчык гісторыі нямецкага сярэднявечнага дойлідзтва Гюнтэр Біндынг аднак мяркуе, што “пфальцы ніколі ня мелі адрозненьняў па сваёй будаўнічай праграме ад замкаў[2].

Крыніцы[рэдагаваць | рэдагаваць крыніцу]

  1. ^ Burg und Schloss: Adelssitz im deutschsprachigen Raum. Biller T., G.U. Großmann. – Regеnsburg, 2002 – С.43
  2. ^ Deutsche Königspfalzen. Von Karl dem Große bis Friedrich II(765-1240) Günter Binding – Darmstadt.1996 – С.21-26.