Леанід Тараненка

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Леанід Тараненка
RIAN archive 371702 1980 Olympic weightlifting champion Leonid Taranenko.jpg
Леанід Тараненка на Алімпіядзе ў Маскве (1980)
Род дзейнасьці цяжкаатлет
Дата нараджэньня 13 чэрвеня 1956 (65 гадоў)
Месца нараджэньня Маларыта, БССР
Грамадзянства СССР
Месца вучобы Беларускі інстытут мэханізацыі сельскай гаспадаркі і Беларускі дзяржаўны ўнівэрсытэт фізычнай культуры
Занятак цяжкаатлет
Узнагароды
ордэн Працоўнага Чырвонага Сьцяга СССР ордэн Дружбы народаў Заслужаны майстар спорту СССР

Леані́д Арка́дзевіч Таране́нка (13 чэрвеня 1956, Маларыта, БССР) — беларускі і савецкі спартовец, цяжкаатлет. Уладальнік 19 сусьветных рэкордаў, прычым два зь іх — 266 кг у штуршку і 475 кг у дваябор’і — застаюцца неперасягненымі й да сёньня.

Жыцьцяпіс[рэдагаваць | рэдагаваць крыніцу]

Скончыў Беларускі інстытут мэханізацыі сельскай гаспадаркі па спэцыяльнасьці інжынэр.

Выступаў за ДСТ «Ураджай» (Менск). Першы трэнэр — Пётра Сацюк.

Спартовая кар’ера[рэдагаваць | рэдагаваць крыніцу]

Першы вялікі посьпех прыйшоў да Леаніда Тараненкі на Алімпійскіх гульнях 1980 году, дзе ён здабыў залаты мэдаль у клясе 110 кіляграмаў з вынікам 422,5 кг у дваябор’і. Не прымаў удзелу ў Алімпіядзе ў Лос-Анджэлесе праз байкатаваньне яе Савецкім Саюзам, аднак завочна пераўзышоў вынік алімпійскага чэмпіёна Нарбэрта Абэрбургера на альтэрнатыўных Гульнях дружбы, усталяваўшы сусьветны рэкорд 442,5 кг.

Пасьля гэтага Тараненка выступаў у супэрцяжкай клясе. 26 лістапада 1988 у аўстралійскай Канбэры ён усталяваў сусьветны рэкорд 266 кг у штуршку і 475 кг у суме. Пасьля рэструктурызацыяў вагавых клясаў у 1993 і 1998 гэтыя паказьнікі болей ня лічацца за афіцыйныя сусьветныя рэкорды. Тым ня меней, да гэтага часу яны не пераўзыдзеныя.

У 1992, выступаючы за Аб’яднаную каманду СНД у Барсэлёне, Тараненка здабыў срэбны мэдаль у супэрцяжкай вазе з вынікам 425 кг.

Узнагароды[рэдагаваць | рэдагаваць крыніцу]

Заслужаны майстар спорту СССР (1980). Узнагароджаны ордэнамі Дружбы народаў і Працоўнага Чырвонага Сьцяга.

Вонкавыя спасылкі[рэдагаваць | рэдагаваць крыніцу]

Commons-logo.svg Леанід Тараненкасховішча мультымэдыйных матэрыялаў