Кіраваньне часам
Кіраваньне часам — сьвядомы нагляд за колькасьцю выдаткаванага на дакладныя віды дзейнасьці часу дзеля падвышэньня іх выніковасьці. Вызначае час і шырыню ажыцьцяўленьня задумаў. Яму спрыяюць плянаваньне, разьмеркаваньне, мэтавызначэньне, упаўнаважваньне, агляд справаў, адсочваньне, наладжаньне, стварэньне раскладу й вызначэньне перавагаў.
Віды
[рэдагаваць | рэдагаваць код]Вылучаюць чатыры пакаленьні падыходаў да кіраваньня часам:
- напамінкі на падставе гадзіньніка, што папярэджвае аб тэрміновасьці выкананьня задачы;
- плянаваньне й падрыхтоўка грунтуюцца на календары й кнізе занатовак для мэтавызначэньня;
- паўсядзённае плянаваньне й вызначэньне перавагаў на падставе дакладных каштоўнасьцяў;
- выкарыстаньне вылічальнай прылады для нагляду за ажыцьцяўленьнем мэты й задачаў пры наданьні перавагі важнасьці перад тэрміновасьцю[1].
Вызначэньне перавагаў
[рэдагаваць | рэдагаваць код]Сьпіс задачаў служыць замяняльнікам памяці, пры складаньні якога варта:
- адзначыць усе важныя задачы;
- стварыць дастатак кіраванага часу;
- адмовіцца ад часткі задачаў;
- вызначыць пераважныя задачы;
- не адкідаць усяго;
- не прызначаць выкананьне вызначальнае задачы на час адпачынку[2].
Выбар пераважных задачаў таксама мае адначасна стасавацца зь іх важнасьцю й тэрміновасьцю.
| Тэрміновасьць | |||
| не тэрмінова | тэрмінова | ||
| Важнасьць | важна | Вызначыць час выкананьня задачы ды выканаць яе асабіста | Адразу выканаць самому |
| ня важна | Не рабіць, адкінуць | Перадаць задачу адказнай асобе | |
Крыніцы
[рэдагаваць | рэдагаваць код]- ↑ Стывэн Кові Сем звычак здатных людзей = па-ангельску: The Seven Habits of Highly Effective People. — Free Press, 1989. — ISBN 0-7432-6951-9
- ↑ Джулі Моргэнстэрн Кіраваньне часам знутры: бездакорны спосаб устанаўленьня наглядуза Вашым раскладам — і Вашым жыцьцём = па-ангельску: Time Management from the Inside Out: The Foolproof System for Taking Control of Your Schedule—and Your Life. — 2-ое. — Нью-Ёрк: Henry Holt, 2004. — 285 с. — ISBN 0805075909
Вонкавыя спасылкі
[рэдагаваць | рэдагаваць код]
Кіраваньне часам — сховішча мультымэдыйных матэрыялаў