Княскі двор (Дуброўнік)

палац
Княскі двор харв. Knežev dvor

Краіна	Харватыя
Месцазнаходжаньне	Дуброўнік
Каардынаты	42°38′25″ пн. ш. 18°06′39″ у. д. / 42.64028° пн. ш. 18.11083° у. д. / 42.64028; 18.11083Каардынаты: 42°38′25″ пн. ш. 18°06′39″ у. д. / 42.64028° пн. ш. 18.11083° у. д. / 42.64028; 18.11083
Архітэктурны стыль	готыка, рэнэсанс, барока
Аўтар праекту	Анофрыё ды Джардана дэльля Кава, П’етра ды Мартына, Мікэлёцца ды Барталямэа, Юрай Далмацінац
Статус	Register of Cultural Goods of Croatia^[d]
Княскі двор на мапе Харватыі Княскі двор
Княскі двор на Вікісховішчы

Княскі двор (па-харвацку: Knežev dvor), або Палац Рэктара (па-італьянску: Palazzo dei Rettori) — палац у Дуброўніку, Харватыя, уключаны ў Сьпіс сусьветнай спадчыны ЮНЭСКО. Да 1808 году служыў рэзыдэнцыяй князя (рэктара) Дуброўніцкае рэспублікі. З 1950 году ў ім разьмешчаны Дуброўніцкі музэй гісторыі і культуры^[1]. Зьяўляецца адной з галоўных славутасьцяў Дуброўніку.

Гісторыя

У хроніках XIII стагодзьдзя згадваецца кастэль з чатырма вежамі, які знаходзіўся на месцы сучаснага палацу^[2]. У XIV стагодзьдзі ён быў перабудаваны ў стылі рымскіх і вэнэцыянскіх палацаў.

Палац зьмяшчаў у сябе канцэлярыю князя, які абіраўся штомесяц, урад рэспублікі, суд, турму і парахавы склад, выбух на якім ў 1435 годзе моцна пашкодзіў будынак. Рэстаўрацыйныя работы праводзіліся ў 1435–1463 гадох, але ў 1463 годзе выбух на складзе адбыўся зноў, і яго было вырашана перанесьці ў іншае месца. Палац зноў быў пашкоджаны падчас землятрусу 1667 году і рэставраваўся цягам трох дзесяцігодзьдзяў.

Палац заставаўся княскай рэзыдэнцыяй да 1808 году, пакуль францускія захопнікі не скасавалі рэспубліканскую форму кіраваньня ў Дуброўніку.