Карэл Гофмайстэр

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Карэл Гофмайстэр
Karel Hoffmeister 1899.jpg
Дата нараджэньня 26 верасьня 1868
Месца нараджэньня Лібліцы
Дата сьмерці 23 верасьня 1952 (83 гады)
Месца сьмерці Глубока-над-Влтавай
Занятак піяніст, музыказнаўца і музычны пэдагог
Інструмэнты фартэпіяна

Карэл Гофмайстэр (па-чэску: Karel Hoffmeister; 26 верасьня 1868, Лібліцы — 23 верасьня 1952, Глубока-над-Влтавай) — чэскі піяніст, музыказнаўца і музычны пэдагог.

Біяграфія[рэдагаваць | рэдагаваць крыніцу]

Вучыўся ў Праскай арганнай школе ў Ф. З. Скугерскага, у Праскай кансэрваторыі ў Індржыха Кана фон Альбеэта, вывучаў таксама эстэтыку ў Карлавым унівэрсытэце ў Отакара Гостынскага. З 1891 г. выкладаў у Любляне. У 1899—1902 гадах выступаў у складзе Чэскага трыё. З 1902 г. прафэсар Праскай кансэрваторыі, сярод вучняў Гофмайстэра — Вальтэр Зюскінд, Оскар Моравец, Ёзэф Паленічэк, Вілем Пэтржэлка. У 1926 г. упершыню ўвёў у Праскай кансэрваторыі курс клявэсына. Займаў пасаду рэктара кансэрваторыі ў 1923—1924, 1930—1933, 1935—1936 і 1937—1938 гадах.

У 1907—1919 гадах разам з Карэлам Штэкерам рэдагаваў газэту «Музычны агляд» (па-чэску: Hudební revue). Апублікаваў манаграфію аб Антаніне Дворжаку (1924, некалькі перавыданьняў, ангельскі пераклад 1928), кнігу ўспамінаў аб Вітэзславе Новаку (па-чэску: 50 let s Vítězslavem Novákem, 1949), падручнік па фартэпіяна (па-чэску: Klavír; 1939).

Вонкавыя спасылкі[рэдагаваць | рэдагаваць крыніцу]