Кароль Лір (фільм, 1910)

	Кароль Лір
	Re Lear
Жанр	трагедыя
Рэжысэр	Джэраляма Лё Саўё
Сцэнарыст	Ўільям Шэксьпір
Заснаваны на	Кароль Лір[d]
У ролях	Эрмэтэ Навэльлі; Франчэска Бэртыні;
Вытворчасьць	Film d’Arte Italiana
Распаўсюд	Pathé
Дата выхаду	12 сьнежня 1910 (113 гадоў таму)
Працягласьць	16 хв.
Краіна	Італія
Мова	нямое
	Старонка на IMDb

Каро́ль Лір (па-італьянску: Re Lear, 1910) — нямы італьянскі кароткамэтражны мастацкі фільм рэжысэра Джэраляма Лё Саўё, экранізацыя аднайменнай трагедыі Ўільяма Шэксьпіра.

Сюжэт

Прапусьціць

Увага: ніжэй знаходзіцца зьмест, які раскрывае сюжэт твору.

Фільм у некалькіх эпізодах ўзнаўляе ў выглядзе пантамімы скарочаны сюжэт трагедыі «Кароль Лір».

Кароль Лір вырашае падзяліць каралеўства між сваімі трыма дачкамі. Ґанэрылья ды Рэґана брахліва запэўніваюць яго ў сваёй любові і атрымліваюць кожны па сваёй частцы каралеўства. Малодшая дачка Кардэлія адмаўляецца падмануць бацьку, за што ён выганяе яе і выдае за караля Францыі. Кэнта, які намагаецца заступіцца за Кардэлію, таксама выганяюць.

Ґанэрылья і Рэґана паўстаюць супраць бацькі і саджаюць яго ў вязьніцу, дзе той паступова вар’яцее. Францускі кароль і Кардэлія даведваюцца пра няшчасьце і выпраўляюць дапамогу. Ліра дастаўляюць у лягер Кардэліі. Жаўнеры Ганэрыльі захопліваюць Ліра і Кардэлію, Ганэрылья загадвае забіць Кардэлію. Францускія войскі і Кэнт вызваляюць Ліра, які плача над целам дачкі.

Тут скончваецца зьмест, які раскрывае сюжэт твору.

У ролях

Эрмэтэ Навэльлі — кароль Лір
Франчэска Бэртыні — Кардэлія
Вольга Джаніні Навэльлі — Лірава дачка
Джаніна К’янтоні — Лірава дачка

Цікавосткі

Фільм уваходзіць у сэрыю нямых кінапастановак шэксьпіраўскіх п’есаў італьянскай студыі «Film d’Arte Italiana», якая выпусьціла таксама фільмы Атэла (1909) ды Вэнэцыянскі купец (1911).
Фільм выйшаў у пракат «у колеры» — кадры былі расфарбаваныя ўручную. Вялікая частка расфарбаванага мэтражу зьбераглася і выйшла ў DVD-выданьні зборкі нямых экранізацыяў Шэксьпіра «Silent Shakespeare».

Вонкавыя спасылкі

Рэцэнзія (анг.) на бачыне CultureWars
«Шэксьпіраўская» сэрыя фільмаў (італ.) кінастудыі «Film d’Arte Italiana»
Кароль Лір (анг.) на сайце IMDb