Інвэстыцыя

Інвэсты́цыя — грашовыя сродкі, каштоўныя паперы і іншая маёмасьць, а таксама маёмасныя правы з грашоваю ацэнкай, што ўкладаюцца ў аб’екты прадпрымальніцкае дзейнасьці з мэтаю атрыманьня прыбытку ці іншага пазытыўнага эфэкту.

Формы інвэстыцыяў:

• Грошы
• Маёмасьць (улучаючы каштоўныя паперы)
• Маёмасныя правы

Аб’екты інвэстыцыяў:

• Асноўныя фонды
• Вартасныя паперы
• Замежныя валюты
• Нематэрыяльныя актывы
• і іншае

Актывы могуць быць як формаю, так і аб’ектам інвэстыцыяў.

Клясыфікацыя інвэстыцыяў

Па аб’ектах укладаньняў:

• Рэальныя: у асноўныя фонды, матэрыяльна-вытворчыя запасы, нерухомасьць, нематэрыяльныя актывы, навукова-дасьледчыя і канструктарскія работы, падрыхтоўка і павышэньне кваліфікацыі кадраў.
• Фінансавыя: у каштоўныя паперы, банкаўскі дэпазыт, замежную валюту, аб’екты тэзаўрацыі.

Па формах уласнасьці:

• Прыватныя: ажыцьцяўляюцца фізычнымі і юрыдычнымі асобамі недзяржаўнае формы ўласнасьці
• Дзяржаўныя: орґанамі дзяржаўнае ўлады (цэнтралізаваныя) і дзяржаўнымі прадпрыемствамі (нецэнтралізаваныя)
• Замежныя: ажыцьцяўляюцца замежнымі асобамі, дзяржавамі і міжнароднымі арґанізацыямі. Па мэтах адрозьніваюцца простыя і партфэльныя інвэстыцыі.

Простыя інвэстыцыі — інвэстыцыі з мэтаю росту капіталу і ўдзелу ў кіраваньні аб’ектам інвэстыцыі (як правіла адбываюцца ў выглядзе набыцьця буйнага пакету акцыяў: паводле МВФ: больш за 25%)

Партфэльныя інвэстыцыі — інвэстыцыі з мэтаю дывэрсыфікацыі рызыкі ўкладаньняў і атрыманьня бягучага даходу без удзелу ў кіраваньні аб’ектам інвэстыцыі

• Сумесныя: ажыцьцяўляюцца сумесна айчыннымі і замежнымі асобамі.

Замежныя

У 2010 г. сусьветны прыток замежных укладаньняў вырас параўнальна з 2009 г. на 5% да $1,24 трлн, аднак застаўся на амаль 37% меншым за перадкрызісны(en) ўзровень 2007 году. На Беларусь прыпадала каля $5,5 млрд наўпроставых замежных укладаньняў (0,44% ад сусьветных), зь якіх $1,2 млрд (22%) на чыстай аснове (з вылікам запазычанасьці за тавары).

Глядзіце таксама

• Дэвэлапэрская дзейнасьць