Канікулы ў Прастаквашыне
| Канікулы ў Прастаквашыне | |
| Каникулы в Простоквашино | |
| Тып мультфільму | анімацыйны фільм |
|---|---|
| Жанр | сямейны фільм |
| Рэжысэр | Уладзімер Папоў |
| Аўтар сцэнару | Эдуард Усьпенскі |
| Ролі агучвалі | Алег Табакоў, Валянціна Талызіна, Марыя Вінаградава, Барыс Новікаў, Леў Дураў, Герман Качын |
| Кампазытар | Яўген Крылатаў |
| Аніматары | Марына Васканьянц, Эльвіра Маслава, Уладзімер Вышагародцаў, Рэната Міранкова, Марына Рогава, Натальля Багамолава, Юры Кузюрын |
| Апэратар | Кабул Расулаў |
| Гукаапэратар | Барыс Фільчыкаў |
| Студыя | Союзмультфильм |
| Краіна | СССР |
| Працягласьць | 17 хвілін 58 сэкундаў |
| Прэм’ера | 1980 |
| Папярэдні | Трое з Прастаквашына |
| Наступны | Зіма ў Прастаквашыне |
«Канікулы ў Прастаква́шыне» (па-расейску: Каникулы в Простоквашино) — савецкі маляваны мультфільм, другая сэрыя сэрыялу «Прастаквашына». Створаны паводле аповесьці Эдуарда Ўсьпенскага «Дзядзька Фёдар, сабака і кот».
Сюжэт[рэдагаваць | рэдагаваць крыніцу]
Мама патрабуе вакацыяў і паездкі на курорт, бо яна стамілася, і акрамя таго, ёй няма куды апрануць чатыры вячэрнія сукенкі. Дзядзька Фёдар і Тата спрабуюць угаварыць яе паехаць не на курорт, а ў Прастаквашына, але Мама дабіваецца свайго. Дзядзька Фёдар вырашае ўхіліцца ад паездкі на мора і правесьці летнія вакацыі з сваімі сябрамі — катом Матроскіным і сабакам Шарыкам. На вакзале ён заскоквае ў электрычку да Прастаквашына, якая стаяла на суседнім шляху, і высунуўшы галаву з вакна вагону, паведамляе пра гэта бацькам, што стаялі на пэроне. Тыя, спадзяючыся на найлепшае, выяжджаюць на курорт.
У Прастаквашыне Матроскін ніяк ня можа нарадавацца сваёй карове Мурцы і мноству малака, а таксама нечаканаму народжаньню цяля Гаўрушы. А Шарык, у сваю чаргу, захапіўся фотапаляваньнем.