Кальмар (Швэцыя)
| Кальмар швэдз. Kalmar | |||
| Населены пункт | |||
 | |||
| |||
| Краіна | Швэцыя | ||
|---|---|---|---|
| Лэн | Кальмар | ||
| Камуна | Кальмар | ||
| Першыя згадкі | XI стагодзьдзе | ||
| Дата заснаваньня | 1100 | ||
| Геаграфія | |||
| Плошча | 19,50 км² | ||
| Вышыня НУМ | 8 ± 1 м | ||
| Часавы пас | |||
| Каардынаты | 56°39′47″ пн. ш. 16°21′47″ у. д.HGЯO | ||
| Насельніцтва | |||
| Колькасьць | 38 408 чал. (2015) | ||
| Лічбавыя ідэнтыфікатары | |||
| Тэлефонны код | 480 | ||
| Паштовы індэкс | 390 02–398 09[1] | ||
| Сайт | kalmar.se (швэд.) | ||
| Кальмар на мапе Швэцыі   Кальмар | |||
Ка́льмар (па-швэдзку: Kalmar) — горад на паўднёвым усходзе Швэцыі, у ляндскапе Смоляндзе. Адміністрацыйны цэнтар аднайменнай камуны і аднайменнага лэну. Адзін з найстаражытных гарадоў Швэцыі. Былы цэнтар біскупства (да 1915 году). Насельніцтва на 31 сьнежня 2015 году — 38 408 чалавек.
Гісторыя
[рэдагаваць | рэдагаваць код]
Кальмар упершыню згадваецца на адным з рунічных камянёў XI стагодзьдзя. Назва яго паходзіць ад старажытнашвэдзкага Kalmar — «камяністае дно», або «камяністы грунт». Дакладна вядома, што каля 1200 году гэта быў значны горад, які вырас вакол замку, а ў сярэдзіне XIII стагодзьдзя — адзін з найважнейшых у Швэцыі і меў важныя гандлёвыя сувязі з Ганзай (практычна ўвесь гандаль вёўся этнічнымі немцамі). У 1397 годзе каралі трох скандынаўскіх краінаў на сустрэчы ў Кальмары ўтварылі Кальмарскую ўнію. Напачатку XVII стагодзьдзя — падчас Кальмарскай вайны — значная частка гораду была разбураная, і ў 1640 годзе было вырашана перанесьці горад на суседнюю выспу Кварнгольмэн. У адрозьненьне ад большасьці гарадоў тагачаснай Швэцыі, Кальмар быў адбудаваны каменным, а не драўляным. Старая частка гораду была добра захаванай да сярэдзіны XX стагодзьдзя, але ў 1960-я гады частка цэнтру гораду была зьнесеная, каб вызваліць месца для адміністрацыйных ды камэрцыйных будынкаў. У 1972 годзе быў пабудаваны Эляндзкі мост. У 1977 годзе была заснавана Вышэйшая школа, якая ў 2010 стала адным з двух кампусаў Унівэрсытэту Лінэя.
Славутасьці
[рэдагаваць | рэдагаваць код]
- Стары горад
- Кварнгольмэн
- Кальмарскі замак
- Кальмарскі сабор
- Эляндзкі мост
- Трып, трап, труль — тры драўляныя дамы́ рознай велічыні канца XVIII ст.
- Музэй лэну Кальмар
- Сядзіба Крусэншэрны (XIX ст.)
- Стадыён Гульдфогельн-Арэна
Вонкавыя спасылкі
[рэдагаваць | рэдагаваць код]
Кальмар (Швэцыя) — сховішча мультымэдыйных матэрыялаў