Зьміцер Сангушка

Зьвесткі зь Вікіпэдыі — вольнай энцыкляпэдыі
Зьміцер Сангушка
Зьміцер Сангушка
Зьміцер Сангушка

Герб «Пагоня Літоўская»
Асабістыя зьвесткі
Нарадзіўся 1530
Памёр 3 лютага 1554
Пахаваны
Род Сангушкі
Бацькі Фёдар Сангушка
Ганна Дэспат-Бранкавіч[d]
Жонка Гальшка Астроская

Зьміцер Сангушка[1] (1530 — 3 лютага 1554) — дзяржаўны дзяяч Вялікага Княства Літоўскага.

Быў старостам жытомірскім, канеўскім і чаркаскім.

Біяграфія[рэдагаваць | рэдагаваць крыніцу]

Надмагільле З. Сангушкі

З княскага роду Сангушкаў гербу «Пагоня Літоўская», сын Фёдара, старосты брацлаўскага. Меў малодшага брата Рамана, гетмана польнага літоўскага і ваяводу брацлаўскага.

15 верасьня 1553 году ажаніўся з Гальшкаю Астроскаю, супраць волі яе маці Бэаты з Касьцялецкіх. Апошняя напісала скаргу вялікаму князю Жыгімонту Аўгусту, які пазбавіў Зьмітра пасадаў і пастанавіў зьявіцца яму ў каралеўскі суд. Маладыя выправіліся на ўцёкі ў Чэхію. За няяўлю на суд вялікі князь прусудзіў З. Сангушку да інфаміі — пазбаўленьня гонару, выгнаньня зь дзяржавы, канфіскацыі маёмасьці і абавязаньня вярнуць Гальшку маці. Кожны ахвочы мог яго беспакарана забіць і атрымаць узнагароду. Неўзабаве гэта зрабіў Марцін Збароўскі, які жадаў выдаць Гальшку за аднаго з сваіх сыноў.

11 лютага 1554 году спачыў ў Яромежы, у касьцёле Сьвятога Мікалая. На фундаванай сваякамі каменнай пліце зьмясьцілі наступны надпіс:

Тут спачывае прах слаўнага літоўскага князя зь вядомага дому Альгерда, старосты чаркаскага і канеўскага, па-здрадніцку і вераломна забітага Марцінам Збароўскім.

Каля 1860 году Сангушкі паставілі новую пліту, але ўжо без імя забойцы.

У картцы да артыкула прыводзіцца партрэт З. Сангушкі пэндзля невядомага мастака XVIII ст.

Крыніцы[рэдагаваць | рэдагаваць крыніцу]

  1. ^ Сліўкін В. Князі Палубенскія // «Лідскі Летапісец» № 1 (49), 2010

Літаратура[рэдагаваць | рэдагаваць крыніцу]