Замова

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

Замо́ва — старажытны жанр народнай паэзіі, слоўная формула, якой надавалася магічнае значэньне. На думку Б. Рыбакова, замовы ўзьніклі ў час палеаліту, 20—40 тысяч гадоў таму назад. Замовы імкнуліся ўплываць на розныя стыхійныя сілы прыроды, узаемаадносіны ў грамадзтве. Замовы як жанр валодаюць вялікай сілай вобразнай экспрэсіі, у іх мноства паўтораў, асобных рытарычных фігураў. Пісаліся замовы звычайна рыфмаванай прозай («На сінім моры, на беражочку, на жоўтым пясочку стаіць дуб зялёны, да зямлі нахілёны. А з таго дуба як узняліся шуры ды буры, ветры кавуры...» — з «Замовы на стрэльбу»). Некаторыя асаблівасьці паэтыкі народных замоваў выкарыстоўваюцца падчас у сучаснай лірычнай паэзіі («Замова» С. Панізьніка).

Літаратура[рэдагаваць | рэдагаваць крыніцу]