Жаночая зборная Чэхіі па валейболе
| Жаночая зборная Чэхіі па валейболе | |||
 | |||
| Фэдэрацыя | Чэскі валейбольны зьвяз | ||
|---|---|---|---|
| Канфэдэрацыя | Эўрапейская канфэдэрацыя валейболу | ||
| Рэйтынг МФВ | 15 | ||
| Колеры | сіні, чырвоны, белы | ||
| Форма | |||
| |||
| Апошняе абнаўленьне | 30 жніўня 2024 году | ||
Жаночая зборная Чэхіі па валейболе — нацыянальная каманда, якая прадстаўляе Чэхію на міжнародных валейбольных турнірах. Кіруецца Чэскім валейбольным зьвязам.
Гісторыя
[рэдагаваць | рэдагаваць крыніцу]Пасьля абвяшчэньня пра падзел Чэхаславаччыны, які адбыўся 1 студзеня 1993 года, Чэхаславацкі валейбольны зьвяз падзяліўся на Чэскі валейбольны зьвяз і Славацкую валейбольную фэдэрацыю. Тым ня менш, 24 верасьня 1993 году ў чэскім Брно на чэмпіянаце Эўропы яшчэ аб’яднаная зборная Чэхіі і Славаччыны перамагла зборную Баўгарыі зь лікам 3:1. Менавіта гэты матч і стаў фактычна дэбютам зборнай Чэхіі на афіцыйных міжнародных спаборніцтвах, бо аб’яднаная каманда складалася з адных толькі чэскіх валейбалістак.
Юрыдычна зборная Чэхіі выйшла на міжнародную арэну ў наступным годзе на чэмпіянаце сьвету ў Бразыліі. 21 кастрычніка 1994 году чэшкі саступілі ў трох партых зборнай Японіі. У далейшым па хадзе турніру чэскія спартоўкі здабылі адну перамогу і двойчы зазналі паразу, выбыўшы з барацьбы за мэдалі на стадыі 1/8 фіналу. Апошнім пасьпяховым выступам на эўрапейскіх першынствах стала 3-е месца, якое зборная Чэхія заняла на чэмпіянаце Эўропы 1997 году, які таксама ладзіўся ў Чэхіі. Каманда гаспадынь спаборніцтваў дакрочыла да паўфіналу, дзе прагуляла зборнай Расеі зь лікам 0:3, а ў матчы за бронзу з тым жа лікам выгуляла зборную Баўгарыі. Доўгі час зборная Чэхія ня мела істотных вынікаў. На чэмпіянаце Эўропы 2011 году спартоўкі здолелі прабіцца ў чвэрцьфінал. У 2012 годзе нацыянальная каманда ўпершыню ў сваёй гісторыі выйграла афіцыйны турнір — Эўралігу. Гэта перамога дазволіла камандзе ўпершыню кваліфікавацца на Гран-пры, але выступ на гэтым турніры ў 2013 годзе быў няўдалым.
У верасьні 2015 году зборная Чэхіі ў дзявяты раз у сваёй гісторыі ўзяла ўдзел у фінальным турніры чэмпіянату Эўропы, але свае выступы скончыла, як і двума гадамі раней, на першай стадыі плэй-оф, прайграўшы зь лікам 1:3 зборнай Бэльгіі. У 2022 годзе зборная ўпершыню за 12 гадоў кваліфікаваліся на чэмпіянат сьвету, але згулялі там блага. На чэмпіянаце Эўропы 2023 году чэшкі здолелі выйсьці з сваёй групы з другога месца ды ў 1/8 фіналу выгуляла ў зборнай Украіны зь лікам 3:2. Спыніла чэшак зборная Сэрбія ў наступным этапе.