Жак Ліпшыц

Жак Ліпшыц
Імя пры нараджэньні	Хаім Якаў Ліпшыц
Дата нараджэньня	22 жніўня 1891
Месца нараджэньня	Друскенікі
Дата сьмерці	26 траўня 1973 (81 год)
Месца сьмерці	Капры, Італія
Месца пахаваньня	Гар-а-Мэнухот[d]
Месца вучобы	Віленская рэальная вучэльня[d] (1909) Нацыянальная вышэйшая школа прыгожых мастацтваў[d] Акадэмія Жуліяна[d]
Занятак	жывапіс
Навуковая сфэра	скульптура
Сябра ў	Амэрыканская акадэмія мастацтваў і навук[d], Амэрыканская акадэмія мастацтваў і літаратуры[d] і Акадэмія прыгожых мастацтваў[d]
Жанры	абстракцыянізм
Плынь	кубізм
Жак Ліпшыц у Вікісховішчы

Мадыльяні. «Партрэт Жака Ліпшыца і яго жонкі»

Жак (Хаім Якаў) Ліпшыц (па-француску: Jaques Lipchitz; 22 жніўня 1891, Друскенікі, Гарадзенская губэрня, цяпер — Аліцкі павет, Летува — 26 траўня 1973, Капры, Італія) — францускі скульптар.

Жыцьцяпіс

У 1909 годзе пераехаў у Парыж, дзе вучыўся ў Школе мастацтваў і Акадэміі Жуліяна. У 1922 годзе ўступіў у мастацкую групу «Новы дух» (па-француску: L'Esprit Nouveau). У сваіх раньніх працах праявіў сябе прыхільнікам радыкальных формаў кубізму, аднак пазьней зьмякчыў цяжкія і рэзкія формы сваіх скульптураў, зрабіўшы іх больш вытанчанымі. Працаваў таксама мадэльерам мэблі і дэкаратарам.

У 1941 годзе, пасьля акупацыі Францыі нямецкімі войскамі, Ліпшыц зьбег з Парыжу ў ЗША і жыў у Нью-Ёрку, дзе яго працы знайшлі вялікае прызнаньне ў мастацкіх колах. У 1946 годзе вярнуўся ў Парыж, але неўзабаве зноў зьехаў у ЗША, у 1958 годзе атрымаў амэрыканскае грамадзянства.

Жак Ліпшыц памёр 26 траўня 1973 году на востраве Капры. Пахаваны ў Ерусаліме.

Галерэя

• 
  Government of the People, бронзавая скульптура, 1976, Філадэлфія
• 
  Birth of the Muses, бронза, 1944-1950
• 
  The Spirit of Enterprise, 1960, Філадэлфія

Вонкавыя спасылкі

• Працы ў музэях сьвету