Дзень салідарнасьці з палітвязьнямі ПАР
| Дзень салідарнасьці з палітвязьнямі ПАР | |
| Тып | міжнародны дзень[d] |
|---|---|
| Дата | 11 кастрычніка |
Дзень салідарнасьці з палітвязьнямі Паўднёва-Афрыканскай рэспублікі — міжнародны памятны дзень, які адзначаецца штороку 11 кастрычніка. Абвешчаны ў 1976 року Генэральнай Асамблеяй ААН.
Мінуўшчына
[рэдагаваць | рэдагаваць крыніцу]9 лістапада 1976 року Генэральная Асамблея Арганізацыі аб’яднаных нацыяў сваёй рэзалюцыяй A/RES/31/6C[1] абвясьціла 11 кастрычніка Днём салідарнасьці з палітычнымі вязьнямі Паўднёва-Афрыканскай рэспублікі[2]. У рэзалюцыі:
- выказвалася глыбокая заклапочанасьць жорсткасьцю кіроўнага паўднёваафрыканскага рэжыму ў дачыненьні прадстаўнікоў чужых расаў ды іншых праціўнікаў апартэіду;
- выказвалася салідарнасьць з усімі паўднёваафрыканцамі, якія змагаюцца за правы чалавека і супраць кіроўнага рэжыму;
- выказвалася патрабаваньне неадкладнага вызваленьня ўсіх зьняволеных за ўдзел у вызвольнай барацьбе;
- абвяшчаўся штогадовы дзень салідарнасьці.
Палітыка апартэіду скончылася толькі пасьля вызваленьня Нэльсана Мандэлы з турмы ў 1990 року і абраньнем яго на пасаду кіраўніка дзяржавы. На выбарах 1994 року ягоная партыя Афрыканскі нацыянальны кангрэс набрала пераканаўчую большасьць галасоў (62,65%). Цяпер дзень выбараў 27 красавіка адзначаецца ў ПАР як сьвята Свабоды.
У 1995 паўстала Камісія праўды і паяднаньня(d), якая занялася зборам сьведчаньняў пра парушэньні правоў чалавека ў часы апартэіду і амністыяй тым зладзеям, што добраахвотна прызналіся ва ўчыненым.
Пасьля апартэіду ў Паўднёва-Афрыканскай рэспубліцы колькасьць дзяржаўных моваў была павялічаная да адзінаццаці. Яшчэ адным сымбалем сканчэньня апартэіду стала зруйнаваньне будынку арсэнала.
Глядзіце таксама
[рэдагаваць | рэдагаваць крыніцу]Крыніцы
[рэдагаваць | рэдагаваць крыніцу]- ^ Policies of apartheid of the Government of South Africa : resolutions / adopted by the General Assembly (анг.) Digital Library. United Nations (1977). Праверана 10 чэрвеня 2023 г.
- ^ Solidarity with South African political prisoners (анг.) Digital Library. United Nations (9 лістапада 1976). Праверана 10 чэрвеня 2023 г.
Літаратура
[рэдагаваць | рэдагаваць крыніцу]- United Nations Centre Against Apartheid. Day of Solidarity with South African Political Prisoners. — United Nations Centre Against Apartheid, 1989. — 22 с.
- Urbania Mothopeng. South African Political Prisoners International Day of Solidarity // Journal of Pan African Studies(d). — 1987. — В. 1. — Т. 1. — С. 15—17.