Джамбатыста Марына
| Джамбатыста Марына | |
| Giambattista Marino | |
.jpeg) | |
| Асабістыя зьвесткі | |
|---|---|
| Нарадзіўся | 14 кастрычніка 1569[1] Нэапаль |
| Памёр | 25 сакавіка 1625[1][2][3][4][5][6] (55 гадоў) Нэапаль |
| Літаратурная дзейнасьць | |
| Род дзейнасьці | паэт |
| Гады творчасьці | 1728—1754 |
| Кірунак | Маньерызм, барока |
| Жанр | паэма, канцона, санэт, мадрыгал |
| Мова | італьянская мова[2] |
| Дэбют | 1602 |
Джамбаты́ста Мары́на (па-італьянску: Giambattista Marino; 14 кастрычніка 1569 — 25 сакавіка 1625) — вядомы італьянскі паэт, адзін з найвыбітнейшых зачынальнікаў літаратуры барока ў Італіі.
Джамбатыста Марына нарадзіўся ў Нэапалі, у сям’і юрыста. Зводмаладзь у яго выявілася схільнасьць да паэзіі й літаратурных заняткаў, якія ён упадабаў заплянаванай ягоным бацькам юрыдычнае кар’еры. Неўзабаве быў выгнаны бацькам з дому. Некалькі год правёў у Францыі пры двары Людовіка XIII. Памёр у Нэапалі.
Літаратурная спадчына Марына вялікая й разнастайная. Яго пяру належаць лірычныя вершы, аб'яднаныя ў зборнік «Ліра» (1602—1614), празаічныя «Словы на святыя тэмы», «Лісты», зборнік «Галерэя», у якім зьмешчаныя вершаваныя камэнтары да твораў выяўленчага мастацтва, збор міталягічных і пастаральных ідылій «Валынка», вялізарная эпічная паэма «Адоніс» (1623), якая атрымала супрацьлеглыя водгукі крытыкаў, паэма «Зьбіваньне немаўлятаў». У лірычнай паэзіі Марына стаў заснавальнікам асаблівага напрамку барока, які атрымаў назву «марынізм».
Вонкавыя спасылкі[рэдагаваць | рэдагаваць крыніцу]
Джамбатыста Марына — сховішча мультымэдыйных матэрыялаў
- ^ а б AA.VV. Dizionario Biografico degli Italiani — 1960.
- ^ а б data.bnf.fr: плятформа адкрытых зьвестак — 2011.
- ^ Encyclopædia Britannica
- ^ SNAC — 2010.
- ^ RKDartists
- ^ Discogs — 2000.
