Гуські
Гуські́ — беларуская народная гульня на лёдзе. На краі круглай ледзяной пляцоўкі дыямэтрам 10—15 мэтраў выбіваюць «гнёзды» (ямкі дыямэтрам 25—30 см). Гульцы маюць калкі (раздвоеныя на канцы кійкі даўжынёй 1—1,2 м) і гуські (цуркі памерам 12×4 см). Кожны гулец па чарзе кладзе гусёк у сярэдзіну пляцоўкі. Па сыгнале іншыя гульцы бягуць да сярэдзіны ад сваіх «гнёздаў» і ўдарамі калкоў стараюцца загнаць гусёк у сваё «гняздо». Перамагае гулец, які загоніць больш гуськоў[1].
Глядзіце таксама
[рэдагаваць | рэдагаваць крыніцу]Крыніцы
[рэдагаваць | рэдагаваць крыніцу]- ^ Гуські // Беларуская энцыкляпэдыя ў 18 тамах / Генадзь Пашкоў. — Менск: Беларуская энцыкляпэдыя імя Петруся Броўкі, 1997. — Т. 5. — С. 548. — 576 с. — 10 000 ас. — ISBN 985-11-0090-0