Герман Кірылаў

	Герман Кірылаў
Асабістыя зьвесткі
Нарадзіўся	15 сьнежня 1937; Шаркоўшчына, Дзісенскі павет[d], Віленскае ваяводзтва, Польская Рэспубліка;
Памёр	6 лютага 2025 (87 гадоў); Полацак, Віцебская вобласьць, Беларусь;
Літаратурная дзейнасьць
Род дзейнасьці	пісьменьнік
Узнагароды	Прэмія імя Алеся Адамовіча (ПЭН-цэнтар)

Вікіпэдыя мае артыкулы пра іншых асобаў з прозьвішчам Кірылаў (неадназначнасьць).

Ге́рман Іларыёнавіч Кіры́лаў (15 сьнежня 1937, Шаркоўшчына — 6 лютага 2025, Полацак) — беларускі пісьменьнік. Ляўрэат прэміі імя А. Адамовіча Беларускага ПЭН-цэнтру за кнігу «Прысягнулі Беларусі» («Гарт») (1997). Сябра Саюзу беларускіх пісьменьнікаў (1991).

Біяграфія

Закончыў Шаркоўшчынскую сярэднюю школу (1954), аддзяленьне журналістыкі філялягічнага факультэта Белдзяржунівэрсытэту. Працаваў у шаркоўшчынскай раённай газэце, 2-м, 1-м сакратаром Шаркоўшчынскага райкама камсамола, намесьнікам рэдактара міёрскай раённай газэты «Сьцяг працы». 3 1965 г. прызначаны намесьнікам рэдактара полацкай газэты «Сьцяг камунізму». 3 1976 г. па 1995 г. працаваў уласным карэспандэнтам абласной газэты «Віцебскі рабочы» ў Полацку. 3 1995 г. па 1999 г. карэспандэнт шматтыражнай газэты «Трудовая смена» Полацкага вытворчага аб’яднаньня «Шкловалакно».

Творчасьць

У 1975 г. у часопісе «Беларусь» пабачыла сьвет апавяданьне «Татава пілотка», у тым жа годзе ў часопісе «Маладосць» — апавяданьне «Адажыа», у 1981 г. (у скарачэньні) аповесьць «Сонца тваіх вачэй». У 1983 г. у выдавецтве «Мастацкая літаратура» выйшла першая кніжка апавяданьняў «Падлётак». Большасьць зь іх — пра вайну. У 1989 г. у выдавецтве «Мастацкая літаратура» выйшаў раман «Пах жыта» (кніга 1-я). У часопісе «Полымя» за 2000 г. надрукавана аповесьць «Піраміда».

Літаратура

Кірылаў Герман // Пісьменнікі Віцебшчыны : даведнік / рэд. Ф. Сіўко. — Віцебск, 2001. — С. 43—44.
Кірылаў Герман Іларыёнавіч // Памяць: Гіст.-дакум. хроніка Шаркаўшчынскага р-на. — Мн.: БЕЛТА, 2004. — 509 с. ISBN 985-6302-63-3. — С. 436—437.