Герб Чавусаў

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Гістарычны герб Чавусаў (леваруч) і сучасны афіцыйны паводле расейскага гербу места (праваруч)

Герб Чавусаў — геральдычны сымбаль Чавусаў, нададзены месту разам з Магдэбурскім правам каралём польскім і вялікім князем літоўскім Уладзіславам Вазам 12 жніўня 1634: «у блакітным полі на белым кані сьвяты Марцін зь мечам у руцэ, на плячах чырвоны плашч»[1]. Гэты герб варта разглядаць у адным шэрагу мескіх знакаў, якія адлюстроўваюць ідэі абароны і перамогі хрысьціянскіх каштоўнасьцяў[2].

У часе расейскага панаваньня імпэратрыца Кацярына II 16 жніўня 1781 даравала Чавусам новы герб.

« В верхней части щита часть герба Могилевского: в золотом поле половина Российского герба. В нижней — в красном поле шпага, положенная крестообразно с мечом, соединенные лавровым венком, в память славной победы, одержанной над шведами, в окрестностях сего города под Лесным »
Расейскі герб Чавусаў

Калі ў 2001 паўстала пытаньне пра выбар афіцыйнага геральдычнага сымбалю, Чавускі райвыканкам на чале з старшынём А. Мацюліным аддаў перавагу гербу часоў Расейскай імпэрыі як «более отвечающему менталитету граждан»[2]. 3 студзеня 2005[3] статус афіцыйнага геральдычнага сымбалю Чавусаў атрымаў расейскі герб.

Афіцыйнае апісаньне:

Герб места Чавусы ўяўляе сабою выяву на чырвоным полі францускай тарчы шпагі і меча, разьмешчаных крыжападобна і злучаных ляўровым вянком.

Крыніцы[рэдагаваць | рэдагаваць крыніцу]

  1. ^ Цітоў А. Геральдыка Беларускіх местаў. — Менск, 1998.
  2. ^ а б Чаусы. Геральдика.by. Гербы и флаги Беларуси.Праверана 30 кастрычніка 2010 г.
  3. ^ Указ президента Республики Беларусь от 3 января 2005 г. №1 «Об учреждении официальных геральдических символов административно-территориальных единиц Могилевской области».

Літаратура[рэдагаваць | рэдагаваць крыніцу]

  • Цітоў А. Геральдыка Беларускіх местаў / Маст. А. Бажэнаў. — Менск: «Полымя», 1998. — 287 с.: іл. ISBN 985-07-0131-5.