Вікіпэдыя:Праект:Папулярнасьць/Дасьледаваньні/Google Doodles: шыкоўная магчымасьць павышэньня папулярнасьці
 | Гэтая старонка — эсэ. Яна ўтрымлівае думкі альбо парады аднаго ці некалькіх удзельнікаў Вікіпэдыі. Эсэ могуць адлюстроўваць як шырокую думку, гэтак і асабістыя думкі аўтараў. Эсэ не зьяўляюцца афіцыйнымі правіламі, але часам варта ўзяць іх да ўвагі. |
Людзі ў Беларусі ў большасьці сваёй расейскамоўныя. Нават адзінкі, якія штодзённа карыстаюцца беларускай мовай, шукаюць зьвесткі ў Інтэрнэце сьпярша на расейскай мове, бо ведаюць, што на беларускай складана знайсьці што-небудзь цікавае (у адрозьненьні ад расейскай, якая багатая на навуковыя працы і тэрміналёгію). І яны маюць рацыю. Прынамсі, мелі.
Ад часу зьяўленьня Беларускай Вікіпэдыі яна пачала зьбіраць навуковыя і гістарычныя зьвесткі на беларускай мове. Можна сказаць, што Беларуская Вікіпэдыя — беспрэцэдэнтная зьява ў гісторыі Беларусі. Бягучай мэтай Беларускай Вікіпэдыі клясычным правапісам зьяўляецца абагнаць Беларускую энцыкляпэдыю (папяровую энцыкляпэдыю), якая зьмяшчае больш за 80 тысячаў артыкулаў на беларускай мове. Наш разьдзел ужо пабіў Беларускую энцыкляпэдыю па ахопу тэмаў. Мы маем артыкулы амаль на любую тэму (прынамсі з Істотных артыкулаў).
Каб павысіць папулярнасьць, мы распачалі праект «Папулярнасьць», каб ахапіць большае кола людзей. Беларусы амаль усе ведаюць пра існаваньне Вікіпэдыі. Шмат хто ведае пра Беларускую Вікіпэдыю, але ня кожны ведае, што ёй можна карыстацца на прымальным узроўні. Між тым, Google зьяўляецца найбольш папулярнай пошукавай сыстэмай у Беларусі, таму Дудлы (анг. Doodles) добра сабе трапляюць да беларускай аўдыторыі.
І вось у нас зьяўляецца магчымасьць сказаць людзям: «Алё, народ! Давай да нас, усё бясплатна і без рэклямы!» Я вырашыў зладзіць экспэрымэнт. Як раз 31 сакавіка быў дзень народзінаў Робэрта Бунзэна (з нагоды чаго і быў створаны чарговы Дудл). Сёньня я праверыў статыстыку наведваньняў і ня быў зьдзіўлены. Колькасьць наведваньняў у той дзень перавысіла звычайную на парадак.
Вынік: калі вы ўдзельнічаеце ў праекце з малой наведвальнасьцю, проста напішыце артыкул на тэму, да якой прымеркаваны бягучы Дудл.
Вонкавыя спасылкі
[рэдагаваць крыніцу]- Google Doodles: brilliant opportunity for popularity gain, арыгінал (анг.)
- Статыстыка наведваньняў артыкула «Робэрт Бунзэн» за сакавік 2011 году, артыкул быў створаны ў ноч з 30 на 31 сакавіка