Віктар Дайліда

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Віктар Дайліда
Асабістыя зьвесткі
Нарадзіўся 28 верасьня 1930(1930-09-28)
Славінск[d], Ленінскі сельсавет, Слуцкі раён, БССР, СССР
Памёр 2006
Дзеці Лада Алейнік
Літаратурная дзейнасьць
Род дзейнасьці паэт і пісьменьнік
Узнагароды

Віктар Браніслававіч Дайліда (28 верасьня 1930, в. Славінск, Слуцкі раён, Менская вобласьць - 2006) — беларускі паэт і пісьменьнік. Бацька крытыка Лады Алейнік.

Біграфія[рэдагаваць | рэдагаваць крыніцу]

Нарадзіўся 28 верасьня 1930 году ў в. Славінск Слуцкага раёну Менскай вобласьці ў сялянскай сям'і. У 1952 годзе скончыў Баранавіцкі настаўніцкі інстытут.

Настаўнічаў у Пастарынскай сямігадовай школе. У 1957 годзе скончыў завочна факультэт беларускай мовы і літаратуры Менскага пэдагагічнага інстытуту імя Максіма Горкага. Быў намесьнікам дырэктара Ішкалдскай (1957—1959), дырэктарам Войкавіцкай (1959—1962) васьмігадовых школаў Баранавіцкага раёну, старшым рэдактарам на Берасьцейскай студыі тэлебачаньня (1962). У 1962—1973 гадох — дырэктар Чапліцкай сярэдняй школы Слуцкага раёну. У 1973—1982 гадох працаваў намесьнікам дырэктара Бюро прапаганды мастацкай літаратуры Саюзу пісьменьнікаў БССР. Сябра Саюзу пісьменьнікаў БССР з 1969 году[1].

Некаторы час знаходзіўся на творчай працы, а ў 1988–1989 гадах – старшыня каапэратыву «Белая Русь».

Памёр у 2006 годзе.

Творчасьць[рэдагаваць | рэдагаваць крыніцу]

У друку выступае з 1953 году. Аўтар зборнікаў аповесьцяў і апавяданьняў «Вясна, хлопцы, вясна» (1966), Была вайна (1969), «Буслы над вёскай» (1979), кнігі для дзяцей «Сустрэча з маленствам» (1980).

Узнагароды[рэдагаваць | рэдагаваць крыніцу]

  • Выдатнік народнай асьветы БССР (1968).

Крыніцы[рэдагаваць | рэдагаваць крыніцу]