Вялікая сынагога (Столін)

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Вялікая сынагога (неадназначнасьць).

Помнік сакральнай архітэктуры
Вялікая сынагога
Вялікая сынагога
Краіна	Беларусь
Места	Столін
Каардынаты	51°53′13,14″ пн. ш. 26°50′31,83″ у. д.^HGЯO
Архітэктурны стыль	барока, барокавая архітэктура^[d] і клясыцыстычная архітэктура^[d]
Дата заснаваньня	1792
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Вялікая сынагога на мапе Беларусі Вялікая сынагога
Вялікая сынагога на Вікісховішчы

Вялікая сынагога — помнік архітэктуры канца XVIII стагодзьдзя ў Століне. Знаходзіцца ў цэнтры места, на гістарычным Рынку^[a]. Твор архітэктуры барока і клясыцызму. Аб’ект Дзяржаўнага сьпісу гістарычна-культурных каштоўнасьцяў Беларусі.

Гісторыя

Мураваную Вялікую сыногогу ў Століне збудавалі ў 1792 годзе. Будынак пацярпеў да пажару 1827 году, па чым яго аднавілі.

У час Другой сусьветнай вайне нацысты зьнішчылі жыдоўскую грамаду места.

Архітэктура

Помнік архітэктуры пераходнага пэрыяду ад барока да клясыцызму. Будынак у пляне набліжаецца да квадрата з скошанымі з паўночна-заходняга боку кутамі. Кампактавы аб’ём накрываўся вальмавым дахам зь невялікім трыкутным франтонам над усходняй сьцяной. Фасад падзяляецца на два ярусы гарызантальным пасам і завяршаецца карнізам. Аконныя праёмы ніжэйшага яруса лучковыя, верхняга з паўцыркульным завяршэньнем.

Унутраная прастора падзяляецца на тры нэфы^[1] шасьцю круглымі калёнамі, зьвязанымі аркамі. Пры ўваходзе з паўднёва-заходняга боку быў другі ярус дзеля жанчынаў. Сьцены дэкаруюцца ў ніжнім ярусе паўкалёнамі, у верхнім — адзіночнымі пілястрамі, а таксама фрэскамі, якія імітуюць архітэктурную плястыку. З паўднёва-заходняга боку знаходзіцца тры асобныя ўваходы.

Галерэя

Гістарычныя здымкі
1928 г.
да 1939 г.
да 1939 г.
1947 г.

Заўвагі

↑ Цяперашні афіцыйны адрас — вуліца Тэльмана, 1

Крыніцы

↑ Збор помнікаў гісторыі і культуры Беларусі. Брэсцкая вобласць. — Менск, 1984. С. 342.

Літаратура

Збор помнікаў гісторыі і культуры Беларусі. Брэсцкая вобласць / АН БССР, Ін-т мастацтвазнаўства, этнаграфіі і фальклору; Рэд. кал.: С. Марцэлеў (гал. рэд.) і інш. — Менск: Беларус. Сав. Энцыклапедыя, 1984. — 368 с.: іл.

Вонкавыя спасылкі

Вялікая сынагога ў Століне, Radzima.org

[1] Цяперашні афіцыйны адрас — вуліца Тэльмана, 1

[2] Збор помнікаў гісторыі і культуры Беларусі. Брэсцкая вобласць. — Менск, 1984. С. 342.

[a]

[1]