Вэрнал (Юта)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Вэрнал
анг. Vernal
Усходняя ўскраіна Вэрналу
Усходняя ўскраіна Вэрналу
Дата заснаваньня: 1876
Краіна: ЗША
Штат: Юта
Акруга: Юінта
Мэр: Соня Нортан
Плошча: 11,9 км²
Вышыня: 1624 м н. у. м.
Насельніцтва (2014)
колькасьць: 10 844 чал.[1]
шчыльнасьць: 911,26 чал./км²
Часавы пас: UTC-7
летні час: UTC-6
Тэлефонны код: +1 435
Паштовыя індэксы: 84078—84079
GNIS: 1433885[2]
Геаграфічныя каардынаты: 40°27′17″ пн. ш. 109°32′8″ з. д. / 40.45472° пн. ш. 109.53556° з. д. / 40.45472; -109.53556Каардынаты: 40°27′17″ пн. ш. 109°32′8″ з. д. / 40.45472° пн. ш. 109.53556° з. д. / 40.45472; -109.53556
Вэрнал на мапе ЗША
Вэрнал
Вэрнал
Вэрнал
Commons-logo.svg Галерэя здымкаў у Вікісховішчы
vernalcity.org

Вэрнал (па-ангельску: Vernal) — места на паўночным усходзе Юты (ЗША), цэнтар акругі Юінта. Знаходзіцца за 280 км на ўсход ад Солт-Лэйк-Сіці і за 32 км ад граніцы з Каларада[3]. Насельніцтва — 10 844 чалавекі (2014)[1].

Мінуўшчына[рэдагаваць | рэдагаваць крыніцу]

У адрозьненьне ад іншых местаў у Юце, Вэрнал быў заснаваны не мармонамі. У 1861 року выведніцкая місія іхняга тагачаснага прэзыдэнта Брыгама Янга вярнулася зь Юінцкага басэйну з інфармацыяй, што мясьціна не прыдатная дзеля засяленьня. У гэты самы год прэзыдэнт Абрагам Лінкальн заклаў тут індзейскую рэзэрвацыю і прызначыў агента па стасунках зь імі[4]. Першая хаціна зьявілася тут у 1868 року, пасьля чаго пасяленцы сталі засяляцца ўздоўж ручаю Эшлі Крык. У 1879 мноства індзейцаў загінулі ад суровай зімы.

Геаграфія[рэдагаваць | рэдагаваць крыніцу]

Вэрнал ляжыць у басэйне Юінты, у даліне Эшлі, названай у гонар гандляра футрамі Ўільяма Генры Эшлі. На поўначы мяжуе зь Юінцкімі гарамі, на поўдні — са скаламі Бук, на ўсходзе — з Блакітнымі гарамі.

Плошча Вэрналу — 11,9 км².

Насельніцтва[рэдагаваць | рэдагаваць крыніцу]

Эканоміка[рэдагаваць | рэдагаваць крыніцу]

Эканоміка Вэрналу заснаваная на здабычы прыродных рэсурсаў: нафты, газу, фасфатаў ды юінтаіту. Дзякуючы гэтаму тут дзейнічаюць філіі такіх кампаніяў, як «Halliburton» ці «Schlumberger»[5].

Важную ролю ў эканоміцы места займае таксама турызм, дзякуючы зьвязанасьці Вэрналу зь Дзікім Захадам і вялікай колькасьцю дыназаўравых выкапняў[5].

Транспарт[рэдагаваць | рэдагаваць крыніцу]

Вэрнал разьмяшчаецца пры фэдэральнай магістралі №40.

Дзейнічае рэгіянальны аэрапорт.

Турыстычная інфармацыя[рэдагаваць | рэдагаваць крыніцу]

Банк Вэрналу (2010)

Штогод у ліпені ў Вэрнале ладзіцца дыназаўравае радэа.

На 3-й Заходняй Галоўнай вуліцы знаходзіцца будынак Банку Вэрналу, вядомы таксама як «Банк, адасланы поштай». Будынак паўстаў у 1916—1917 роках дзякуючы мясцоваму бізнэсоўцу Ўіяльму Колтгарпу. Каб даставіць цэглу для будаўніцтва банку з Солт-Лэйк-Сіці, прадпрымальнік пераслаў усе 80 000 цаглінаў поштаю пасылкамі па 22,6 кг (50 фунтаў)[6][7]. Пасылкі дастаўляліся чыгункай з Солт-Лэйк-Сіці ў Мэк, пасьля вузкакалейкай у Ўотсан, адкуль нарэшце ў Вэрнал грузавым транспартам. Працягласьць маршруту склала больш за 670 км[8], тым ня меней, гэткі спосаб транспартаваньня абышоўся для Колтгарпа найтаньней. Пасьля гэтага выпадку Пошта ЗША адразу ж зьмяніла правілы асблугоўваньня, абмежаваўшы ліміт ад аднаго адпраўніка ў дзень 200 фунтамі (91 кг). Цяпер у будынку дзейнічае філія банку «Zions».

Крыніцы[рэдагаваць | рэдагаваць крыніцу]

  1. ^ а б Annual Estimates of the Resident Population: April 1, 2010 to July 1, 2014(анг.). United States Census Bureau. Праверана 2015-06-16 г.
  2. ^ US Board on Geographic Names(анг.). United States Geological Survey (2007-10-25). Праверана 2008-01-31 г.
  3. ^ Find a County. National Association of Counties. Праверана 2011-06-07 г. Архіўная копія ад May 31, 2011 г.
  4. ^ Vernal(анг.). Historytogo.utah.gov. Праверана 2012-11-09 г.
  5. ^ а б Vernal, Utah(анг.). CNNMoney (March 19, 2013). Праверана 2013-03-20 г.
  6. ^ Precious Packages—America's Parcel Post Service(анг.) Exhibits. National Postal Museum. Праверана 2013-03-20 г.
  7. ^ The Bank That Was Sent Through the Post Office from stampsofdistinction.com
  8. ^ National Postal Museum(анг.). SI.edu. Праверана 2012-11-09 г.

Вонкавыя спасылкі[рэдагаваць | рэдагаваць крыніцу]

Commons-logo.svg Вэрнал (Юта)сховішча мультымэдыйных матэрыялаў