Вераценьніцавыя

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Вераценьніцавыя
Anguidae.jpg
Клясыфікацыя
Царства Жывёлы
Тып Хордавыя
Кляса Паўзуны
Атрад Лускаватыя
Падатрад Яшчаркі
Сямейства Вераценьніцавыя
Бінамінальная намэнклятура
Anguidae

Вераценьніцавыя (Anguidae) — сямейства яшчарак.

Амаль для ўсіх відаў яго характэрна зьмеепадобнае цела і адсутнасьць канечнасьцей. Цела ўкрыта зьверху і зьнізу чарапіцападобнай луской, пад якой суцэльным панцырам разьмешчаны касьцявыя пласьцінкі, пранізаныя сыстэмай тонкіх канальцаў. Галава зьверху пакрыта сымэтрычна разьмешчанымі буйнымі шчыткамі, паміж якімі вялікі патылічны шчыток. Характэрна таксама наяўнасьць разьдзельных і рухомых павек, круглай зрэнкі. Язык кароткі, з больш тоўстай задняй часткай і звужанай пярэдняй, якая мае выразку і пакрыта лускападобнымі сасочкамі. Хвост ломкі, здольны да аўтатаміі і рэгенэрацыі.

Сямейства ўключае каля 10 родаў, якія пашыраны ў Эўразіі, Амэрыцы і Паўночнай Афрыцы. На Беларусі пашырана вераценьніца ломкая.