Васіль Мяцельскі

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

Васі́ль Уладзімяронак Мяце́льскі (1901, мяст. Грэск, Слуцкі павет, Менская губэрня, цяпер Слуцкі раён, Менская вобласьць — ?) — беларускі навуковец.

Зь сялянскае сям’і. Атрыгмаў вышэйшую адукацыю, уступіў у ВКП(б) (1924). У 1930-я дацэнт Горацкае сельскагаспадарчае акадэміі. Быў жанаты, гадаваў дзіця. У 1933 выключаны з ВКП(б) пры чыстцы. Арыштаваны 11 жніўня 1933 у Горках па адрасе: Ленінскі бульваp, д. 2, кв. 8. Асуджаны паводле пастановы калегіі АДПУ 14 лістапада 1933 як «сябар шпіёнска-дывэрсійнае арганізацыі БНЦ» да 8 гадоў ППК. Далейшы лёс невядомы. Рэабілітаваны ваеннай калегіяй Вярхоўнага суда БССР 7 траўня 1956. Асабовая справа М. 5937-с захоўваецца ў архіве КДБ Беларусі.

Літаратура[рэдагаваць | рэдагаваць крыніцу]

МЯЦЕЛЬСКІ Васіль Уладзіміравіч // Маракоў Л.У. Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі, 1794—1991. Энц. даведнік. У 10 т. Т. 3. Кн. 2. — Мн:, 2003. ISBN 985-6374-04-9.