Валеры Сянько

Зьвесткі зь Вікіпэдыі — вольнай энцыкляпэдыі
Валеры Сянько
Пэрсанальная інфармацыя
Нарадзіўся 7 красавіка 1998(1998-04-07)[1] (25 гадоў)
Рост 176 см
Вага 74 кг[3]
Пазыцыя паўабаронца
Клюбная інфармацыя
Клюб Іслач
Нумар 10
Клюбы
Гады Клюб Гульні (галы)¹
2017—2018 Шахцёр Салігорск 0 (0)
2018 Дняпро Магілёў 8 (0)
2019—2020 Славія Мазыр 8 (0)
2020—2022 Арсэнал Койданаў 72 (9)
2023—4 Іслач 25 (3)
Зборныя
2019 Беларусь (да 21) 1 (0)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
2 сьнежня 2023.

Валеры Сянько (нарадзіўся 7 красавіка 1998 году) — беларускі футбаліст, паўабаронца клюбу «Іслач».

Кар’ера[рэдагаваць | рэдагаваць крыніцу]

Клюбная[рэдагаваць | рэдагаваць крыніцу]

Пачынаў займацца футболам у родных Баранавічах, а ў веку 12 гадоў трапіў у структуру салігорскага «Шахцёру». З 2014 году пачаў выступаць за дублюючы склад салігорцаў, а на наступны год замацаваўся ў камандзе. У 2017 годзе пачаў часам прыцягвацца да асноўнай каманды, аднак гэтак і не згуляў за яе.

З студзеня 2018 году праходзіў прагляд у менскім «Промні» і ў лютым быў арандаваны сталічным клюбам да сканчэньня сэзону 2018 году[4]. Сэзон 2018 году пачынаў у дублі «Промня». 14 траўня 2018 году дэбютаваў у Найвышэйшай лізе, выйшаўшы ў стартавым складзе ў матчы супраць менскага «Дынама» (1:3). У далейшым працягваў часам зьяўляцца ў асноўнай камандзе, пераважна выходзяы на замену. У сьнежні 2018 году вярнуўся з арэнды ў Салігорск[5], аднак у студзені 2019 году пакінуў каманду.

З студзеня 2019 году знаходзіўся на праглядзе ў мазырскай «Славіі» і ў лютым падпісаў кантракт[6]. Сэзон 2019 году пачынаў у дублі, а ў чэрвені 2019 году выбыў праз пашкоджаньне да канца сэзону. У 2020 годзе пачаў гуляць за асноўную каманду, часьцей выходзячы на замену. У ліпені 2020 году паводле пагадненьня бакоў скасаваў кантракт з «Славіяй»[7] і неўзабаве далучыўся да койданаўскага «Арсэналу»[8]. У студзені 2021 году падоўжыў кантракт з койданаўцамі[9]. Паводле вынікаў сэзону 2021 году дапамог «Арсэналу» прабіцца ў Найвышэйшую лігу. У сэзоне 2022 году працягваў рэгулярна зьяўляцца ў першай адзінаццатцы каманды ў Найвышэйшай лізе.

У студзені 2023 году, пасьля таго як «Арсэнал» выбыў у Першую лігу, выправіўся на прагляд у «Іслач» і у выніку склаў з прысталічным клюбам працоўную дамову[10]. У студзені 2024 году падоўжыў пагадненьне з клюбам[11].

Міжнародная[рэдагаваць | рэдагаваць крыніцу]

26 сакавіка 2019 году згуляў свой адзіны матч у складзе зборнай Беларусі (да 21 году), калі выйшаў у пачатковым складзе ў таварыскім матчы супраць зборнай Летувы (1:0).

Статыстыка[рэдагаваць | рэдагаваць крыніцу]

Клюб Сэзон Чэмпіянат
Дывізіён Матчы Галы
Прамень 2018 Найвышэйшая ліга 8 0

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]