Будынак былой вайсковай установы (Амсьціслаў)

Помнік грамадзянскай архітэктуры
Вайсковая ўстанова
Будынак былой вайсковай установы
Краіна	Беларусь
Места	Амсьціслаў
Каардынаты	54°01′08.72″ пн. ш. 31°43′41.48″ у. д.
Дата заснаваньня	XIX ст.
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Вайсковая ўстанова на мапе Беларусі Вайсковая ўстанова

Будынак былой вайсковай установы — помнік архітэктуры канца XIX ст. у Амсьціславе. Знаходзіцца на гістарычнай Смаленскай вуліцы. Твор архітэктуры эклектыкі. Аб’ект Дзяржаўнага сьпісу гістарычна-культурных каштоўнасьцяў Беларусі.

Гісторыя

Будаваўся ў канцы XIX ст. з цэглы. У будынку разьмяшчалася вайсковая ўстанова.

Архітэктура

Помнік эклектычнай архітэктуры. Гэта 2-павярховы будынак несымэтрычнай аб’ёмна-прасторавай кампазыцыі, на высокім цокалі, накрыты 2-схільным вальмавым дахам. Фасады будынка падзяляюцца карнізамі на 3 часткі. Вонкавыя сьцены цокальнага і першага паверхаў гарызантальна руставаныя. Вокны цокальнага паверха лучковыя, першага — паўцыркульныя, у пэўных месцах чаргуюцца зь нішамі. Сьцены трэцяга паверха гладкія, вэртыкальна падзяляюцца лучковымi аконнымі праёмамі бязь ліштваў. Пэрымэтрам будынка праходзіць карніз з сухарыкамі. Цэнтральны ўваход вылучаецца высокім мураваным ганкам.

Усярэдзіне мае анфілядную сыстэму плянаваньня.

Літаратура

• Збор помнікаў гісторыі і культуры Беларусі. Магілёўская вобласць / АН БССР, Ін-т мастацтвазнаўства, этнаграфіі і фальклору; Рэд. кал.: С. Марцэлеў (гал. рэд.) і інш. — Менск: Беларус. Сав. Энцыклапедыя, 1986. — 408 с.: іл.

Вонкавыя спасылкі

Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  513Г000511

Будынак былой вайсковай установы (Амсьціслаў) — сховішча мультымэдыйных матэрыялаў