Буаке

Буаке
Дата заснаваньня:	1899
Краіна:	Кот д’Івуар
Дэпартамэнт:	Буаке
Плошча:	1170 км²
Вышыня:	312 м н. у. м.
Насельніцтва:	▲740 000 чал. (14 сьнежня 2021)
Геаграфічныя каардынаты:	7°42′0″ пн. ш. 5°5′0″ з. д.
Буаке на мапе Кот д’Івуару Буаке
Галерэя здымкаў у Вікісховішчы

Буаке (па-француску: Bouaké) — другі паводле велічыні горад у Кот д’Івуары з насельніцтвам 740 тысячаў чалавек. Места ёсьць цэнтрам дэпартамэнту Буаке. Месьціцца ў цэнтральнай частцы краіны прыкладна за 50 кілямэтраў на паўночны ўсход ад найвялікшага возера дзяржавы Косу. Буаке месьціцца прыблізна за 350 кілямэтраў на поўнач ад Абіджану на чыгунцы Абіджан—Нігер і прыкладна за 100 кілямэтраў на паўночны ўсход ад Ямусукра, сталіцы краіны.

Гісторыя

У 1800-х гадах купа з народнасьцяў аканаў, асабу і баўле пасялілася беспасярэдне ад месца, дзе сёньня месьціцца горад. Вёска атрымала назву Гбэкекро, якая была названая ў гонар правадыра баўле Гасана Ква Гбэке. Самое места было створанае як францускі вайсковы лягер у 1899 годзе і быў адміністрацыйным цэнтрам з 1914 году.

У горадзе разьмяшчаліся міратворацы Францыі і ААН у рамках прымусовага спыненьня агню паміж паўстанцамі і ўрадам. Пасьля таго, як спроба зрынуць прэзыдэнта Лярана Гбагбо правалілася, паўстанцкія сілы на чале з Гіёмам Саро зрабілі Буаке сваім цэнтрам. У 1996 годзе ў горадзе быў створаны Ўнівэрсытэт Буаке, але ў верасьні 2002 году ён быў зачынены. У красавіку 2005 году ўнівэрсытэт зноў адкрыўся пры фінансавай падтрымцы ЮНЭСКО. 4 лістапада 2004 году ўрадавыя войскі выкарысталі самалёты Су-25 дзеля налёту на горад каб вызваліць тэрыторыі. Караго, які месьціцца за 225 кілямэтраў на поўнач ад Буаке, таксама быў бамбаваны.