Борац Баня Лука
| Борац Баня Лука | |||
| Поўная назва | Гандбольны клюб Борац | ||
|---|---|---|---|
| Кароткая назва | Борац | ||
| Заснаваны | 1950 | ||
| Арэна | Спартовая заля «Борык», Баня Лука Зьмяшчальнасьць: 5000 | ||
| Дырэктар |  Нябойша Голіч[1]
| ||
| Галоўны трэнэр |  Яні Чоп[2]
| ||
| Чэмпіянат | Чэмпіянат Босьніі і Герцагавіны | ||
| 2013–14 | 1 | ||
| |||
| Спасылкі | |||
| Афіцыйная бачына | |||
| (абнаўленьне: 9 чэрвеня 2014) | |||
«Бо́рац Ба́ня Лу́ка» (па-сэрбску: Рукометни клуб Борац Бања Лука/Rukometni klub Borac Banjaluka) — гандбольны клюб з Баня Лукі (Босьнія і Герцагавіна), створаны ў 1950 року. Выступае ў нацыянальным чэмпіянаце. Хатнія матчы праводзіць на арэне «Борык» зьмяшчальнасьцю 5000 чалавек.
ГК «Борац Баня Лука» — найбольш пасьпяховы гандбольны клюб Босьніі і Герцагавіны, чэмпіён Эўропы 1976 року і ўладальнік Кубку ЭГФ 1991 року.
Мінуўшчына
[рэдагаваць | рэдагаваць крыніцу]Гандбольны клюб у Баня Луцы паўстаў у 1950 року пад назваю «Жалезьнічар», але праз два рокі ўвайшоў у склад спартовага таварыства «Борац Баня Лука».
Пасьля стварэньня фэдэратыўнай югаслаўскай лігі ў 1957 року ўдзельнічаў у гэтым спаборніцтве да развалу СФРЮ ў 1992. За гэты час ён сем разоў станавіўся чэмпіёнам Югаславіі і дзесяць разоў — уладальнікам кубку.
Пасьля развалу Сацыялістычнай фэдэратыўнай рэспублікі Югаславія «Борац» выступаў у чэмпіянаце Сэрбскай рэспублікі і чатыры разы заваёўваў чэмпіёнства (1994, 1995, 1996, 1997), а таксама чатыры разы перамагаў у кубку (1993, 1994, 1996, 1997).
Ад заснаваньня ў 2001 року чэмпіянату Босьніі і Герцагавіны «Борац» зьяўляецца ягоным удзельнікам.
У 1976 року клюб стаў чэмпіёнам Эўропы ў наступным складзе: Міларад Караліч, Здраўка Раджэнавіч, Нядэлька Вуінавіч, Абас Арсланагіч, Дабрывое Сэлец, Мамір «Мамо» Голіч, Нябойша Паповіч, Міра Беліч, Зоран Раўліч, Бора Голіч, Радэ Унчанін, Слабадан Вукша і трэнэр Пэра Яньіч.
Дасягненьні
[рэдагаваць | рэдагаваць крыніцу]- Кубак эўрапейскіх чэмпіёнаў
1975/76
1974/75
- Кубак ЭГФ
1990/91
- Чэмпіянат Югаславіі
- 1959, 1960, 1973, 1974, 1975, 1976, 1981
- Кубак Югаславіі
- 1957, 1958, 1961, 1969, 1972, 1973, 1974, 1975, 1979, 1992
- Чэмпіянат Рэспублікі Сэрбскай
- 1993—1994, 1994—1995, 1995—1996, 1996—1997, 1997—1998, 1998—1999, 1999—2000, 2000—2001
- Кубак Рэспублікі Сэрбскай
- 1993, 1994, 1995, 1996, 1997, 1998, 1999, 2000, 2001
- Чэмпіянат Босьніі і Герцагавіны
- 2012—2013, 2013—2014
- 2008—2009, 2009—2010, 2010—2011, 2011—2012
- Кубак Босьніі і Герцагавіны
- 2007, 2011, 2013, 2014
Крыніцы
[рэдагаваць | рэдагаваць крыніцу]- ^ Organizacija (сэрб.). Борац Баня Лука. Праверана 31 кастрычніка 2013 г.
- ^ Jani Čop na klupi Borca (сэрб.) Aktuelno. Борац Баня Лука (29 кастрычніка 2013). Праверана 31 кастрычніка 2013 г.
Вонкавыя спасылкі
[рэдагаваць | рэдагаваць крыніцу]- Афіцыйная бачына (сэрб.)
- Борац Баня Лука ў Facebook