Ашэр Кушнір

Ашэр Кушнір
Ашер Кушнир
Раў Ашэр Кушнір
Род дзейнасьці	рабін
Дата нараджэньня	1956 (68 гадоў)
Месца нараджэньня	Чарнаўцы, Украінская ССР
Грамадзянства	Ізраіль
Занятак	рабін
Ашэр Кушнір у Вікісховішчы

Вікіпэдыя мае артыкулы пра іншых асобаў з прозьвішчам Кушнір.

Раў А́шэр Кушні́р (па-расейску: Ашер Кушнир; нар. 1956, Чарнаўцы, Украінская ССР, СССР) — ізраільскі расейскамоўны рабін артадаксальнага напрамку, аўтар кніг і аўдыё-відэазаняткаў па выхаваньні дзяцей і сямейных стасунках(en).

Жыцьцяпіс

Па прафэсіі фізык, працаваў у акадэммястэчку ў Новасыбірску. У 1983 року эміграваў у Ізраіль, адслужыў у ізраільскім войску, працаваў па спэцыяльнасьці «малекулярная фізыка» ў інстытуце Вайцмана.

Рэлігійную адукацыю атрымаў у ешывах «Ор Самэях(en)» і «Мір(en)».

Жыве ў прадмесьці Ерусаліму Баіт Вэган. Мае 6 дзяцей.

Дзейнасьць

З 1990-х выкладаў юдаізм у Ерусалімскім тэхналягічным коледжы(en).

Сузаснавальнік і кіраўнік ізраільскай арганізацыі эмігрантаў з постсавецкай прасторы Талдот Ешурун(ru).

Раў Ашэр Кушнір — аўтар мноства аўдыёлекцыяў, сэмінараў, відэаканфэрэнцыяў, радыё- і тэлеперадачаў, кніг па праблематыцы сямейнага жыцьця, выхаваньні дзяцей, асновах юдэйскага сьветапогляду. Выступае ў Ізраілі, Аўстрыі, Нямеччыне, Расеі, Украіне, ЗША й інш.

Узнагароды

• ордэн «За заслугі па адраджэньні духоўнасьці ва Ўкраіне» патрыярха Кіеўскага і ўсяе Ўкраіны Філярэта (2009)

Крыніцы

• Жыцьцяпіс  (рас.) на бачыне «Юдаізм і жыды»
• Жыцьцяпіс  (рас.) у вікі-энцыкляпэдыі «Ежевика»