Атэнскі ўнівэрсытэт

Атэнскі нацыянальны ўнівэрсытэт імя Кападыстрыі (па-грэцку: Εθνικό και Καποδιετριακο ΠΑνεπιστήμιο ΑθηνώνΕθνικό και Καποδιετριακο ΠΑνεπιστήμιο Αθηνών). часта называецца проста Атэнскі ўнівэрсытэт — найстарэйшы з ВНУ Грэцыі, заснаваны ў 1837 годзе. Цяпер зьяўляецца другой паводле велічыні вышэйшай навучальнай установай пасьля Ўнівэрсытэту Арыстоцеля ў Тэсалёніках.

Гісторыя

Атэнскі ўнівэрсытэт быў заснаваны 3 траўня 1837 году і разьмешчаны ў сядзібе архітэктара Стамаціса Клеанціса. Ён стаў першым з унівэрсытэтаў ня толькі ў Грэцыі, але і на Балканах і ва ўсім усходня-міжземнаморскім рэгіёне і меў 4 факультэты: тэалёгіі, права, мэдыцыны і мастацтваў (уключаў прыкладныя навукі і матэматыку). 120 студэнтам выкладалі 33 прафэсары.

Перад тым, як унівэрсытэт атрымаў сваю сучасную назву ў гонар першага прэзыдэнта Грэцыі Іаана Кападыстрыя, ён быў вядомы пад назвай Отана — паводле імя першага караля Отана Баварскага. У лістападзе 1841 году заняткі былі перанесеныя ў новы, толькі што пабудаваны корпус. Праект збудаваньня выканаў дацкі архітэктар Тэафіл фон Гансэн — вядомы таксама як аўтар Атэнскай трылёгіі, якую акрамя ўнівэрсытэту складаюць Нацыянальная бібліятэка Грэцыі і Нацыянальная акадэмія.

Адна з асноўных зьменаў у структуры ўнівэрсытэту адбылася ў 1904 годзе, калі факультэт мастацтваў быў падзелены на два факультэты — мастацтваў і факультэт навук. Апошні ўключаў катэдры матэматыкі і фізыкі, а таксама школу фармацыі. У 1919 годзе была створаная катэдра хіміі, а школа фармацыі была пераназваная ў катэдру фармацыі.

У пэрыяд паміж 1895 і 1911 гг. унівэрсытэт штогод прымаў у сярэднім тысячу студэнтаў. Пасьля заканчэньня Першай сусьветнай вайны колькасьць новых студэнтаў упершыню дасягнула 2 000. Такім чынам, зьявілася неабходнасьць увесьці ўступныя экзамэны, і пачынаючы з 1927—1928 навучальнага году экзамэны былі ўведзеныя на ўсіх факультэтах. З 1954 году па просьбе ўнівэрсытэту колькасьць студэнтаў вызначалася квотамі Міністэрства адукацыі і рэлігіі Грэцыі.

Структура ўнівэрсытэту

Інстытут тэалёгіі

• Факультэт тэалёгіі
• Факультэт сацыяльнай тэалёгіі

Інстытут філязофіі

• Факультэт філязофіі, пэдагогікі і псыхалёгіі
• Факультэт гісторыі і археалёгіі
• Факультэт філязофіі
• Факультэт ангельскай філязофіі
• Факультэт францускай філязофіі
• Факультэт нямецкай філязофіі
• Факультэт італа-гішпанскай філязофіі
• Факультэт турэцкай філязофіі
• Факультэт тэатральных мастацтваў
• Факультэт музычных мастацтваў
• Факультэт славянскай філязофіі

  Мэдыцынскі інстытут

• Мэдыцынскі факультэт
• Стаматалягічны факультэт
• Фармацэўтычны факультэт
• Факультэт сястрынскай справы

Будынак інстытута права, вядомы як Номікі (па-грэцку: Νόμική ΣχολήΝόμική Σχολή)

Інстытут права, эканомікі і палітычных навук

• Факультэт права
• Факультэт эканамічных навук
• Факультэт палітычных навук і дзяржаўнага кіраваньня

Інстытут натуральных навук

• Факультэт фізыкі
• Факультэт біялёгіі
• Факультэт геалёгіі
• Факультэт хіміі
• Факультэт матэматыкі
• Факультэт інфарматыкі і тэлекамунікацыяў

Незалежныя факультэты

• Факультэт фізвыхаваньня
• Факультэт пачатковай адукацыі
• Факультэт камунікацыяў і мас-мэдыя
• Факультэт філязофіі і гісторыі навукі

Вядомыя выпускнікі

• Каралас Папульяс

Вонкавыя спасылкі

• Гісторыя Атэнскага ўнівэрсітэту