Андрэй Пракапук

Андрэй Андрэевіч Пракапук
Андрэй Пракапук у 2023 годзе
Род дзейнасьці	фінансавая міліцыя
Дата нараджэньня	1973(1973)
Месца нараджэньня	СССР, БССР, Берасьцейская вобласьць, Кобрынь
Грамадзянства	Беларусь
Адукацыя	вышэйшая
Пасада	намесьнік дырэктара ДФР КДК РБ
Час	7 ліпеня 2015 г.
Сайт	Старонка ў сеціве

Андрэй Андрэевіч Пракапук — намесьнік дырэктара Дэпартамэнта фінансавых расьсьледаваньняў Камітэта дзяржаўнага кантролю Рэспублікі Беларусь. Займае пасаду з 7 ліпеня 2015 году.

Жыцьцяпіс

А. Пракапук нарадзіўся ў 1973 годзе ў г. Кобрынь Берасьцейскае вобласьці.

У 1995 годзе скончыў Берасьцейскі дзяржаўны пэдагагічны інстытут па спэцыяльнасьці “фізычная культура”, у 2002 годзе скончыў Берасьцейскі філіял установы адукацыі “Беларускі дзяржаўны унівэрсытэт” па спэцыяльнасьці “эканамічная кібэрнэтыка”, а ў 2007 годзе — Акадэмію кіраваньня пры Прэзыдэнце Рэспублікі Беларусь па спэцыяльнасьці “дзяржаўнае кіраваньне і ідэалёгія”.

З кастрычніка 1995 г. па жнівень 2002 г. займаў пасады ад малодшага опэрупаўнаважанага да начальніка аддзяленьня па барацьбе з эканамічнаю злачыннасьцю крымінальнае міліцыі аддзела ўнутраных спраў Кобрынскага гаррайвыканкамаў Берасьцейскае вобласьці.

Са жніўня 2002 г. па люты 2005 г. А. Пракапук служыў начальнікам Кобрынскага міжраённага аддзела ўпраўленьня Дэпартамэнта фінансавых расьсьледаваньняў Камітэта дзяржаўнага кантролю Рэспублікі Беларусь па Берасьцейскае вобласьці.

З лютага 2005 г. па ліпень 2015 г. займаў пасады начальніка апэратыўнага аддзела, намесьніка начальніка ўпраўленьня, начальніка ўпраўленьня Дэпартамэнта фінансавых расьсьледаваньняў Камітэта дзяржаўнага кантролю Рэспублікі Беларусь па Берасьцейскае вобласьці.

7 ліпеня 2015 г. прызначаны намесьнікам дырэктара Дэпартамэнта фінансавых расьсьледаваньняў Камітэта дзяржаўнага кантролю Рэспублікі Беларусь.

Узнагароды

Узнагароджаны медалямі “За бездакорную службу” I, II і III ступені.

Званьне

Палкоўнік фінансавай міліцыі.

Вонкавыя спасылкі

• Старонка ў сеціве