Аляксандра Зорына
Аляксандра Зорына | |
 | |
| Імя пры нараджэньні | Аляксандра Цьвікевіч |
|---|---|
| Дата нараджэньня | 17 верасьня 1899 |
| Месца нараджэньня | Баранавічы, Менская губэрня, Расейская імпэрыя |
| Дата сьмерці | 31 траўня 1973 |
| Месца сьмерці | Сан-Рафэл, Каліфорнія, ЗША |
| Грамадзянства | Расейская імпэрыя, Нямеччына, ЗША |
| Занятак | акторка |
| Гады дзейнасьці | 1918—1932 |
| IMDb | ID nm0815054 |
Аляксандра Зорына (сапр.: Аляксандра Цьвікевіч) (нар. 17 верасьня 1899, Баранавічы, Менская губэрня, Расейская імпэрыя — 31 траўня 1973, Сан-Рафэл, Каліфорнія, ЗША) — акторка беларускага паходжаньня, зорка нямецкага нямога кіно 1920-х — пачатку 1930 гадоў.
Біяграфія[рэдагаваць | рэдагаваць крыніцу]
Нарадзілася 17 верасьня 1899 году ў сям’і Аляксандра і Марыі (з роду Міхневічаў) Цьвікевічаў у Баранавічах. Аляксандра была старэйшая сярод іншых дзяцей сям’і Цьвікевічаў, у якіх былі яшчэ: Ганна, Анатоль, Яўген.
Аляксандра мела творчы склад характару, пісала вершы і складала музыку. Яе мара была стаць піяністкай. Аднак яе мары ня спраўдзіліся.
У Варшаве яе заўважыў работнік кінастудыі і прапанаваў зьняцца ў кіно. На кінастудыі «Universum Film AG» зьвярнулі ўвагу на маладую сымпатычную акторку і як толькі скончылася вайна яна пераехала ў Бэрлін. Хутка зрабіла кар’еру і ўдзельнічала ў фільмах разам зь вядомымі акторамі Гары Лідткэ, Эмілем Янінгсам, Астай Нільсэн, Лаянэлам Бэрымарам, Конрадам Фэйдтам і інш.
Лічылася адной з самых прыгожых жанчынаў Эўропы таго часу, была знаёмая зь Сяргеем Ясеніным, Уладзімерам Набокавым, Фёдарам Шаляпіным. Апошні нават рабіў Аляксандры прапанову рукі і сэрца. У 1922 яна пазнаёмілася з кінапрадусэрам Сяргеем Оцупам.
Аляксандра Цьвікевіч з 1918 году здымалася ў нямецкіх і чэхаславацкіх фільмах пад псэўданімам Аляксандра Зорына (Alexandra Sorina). Як творчая актыўнасьць перапынілася ў 1932 годзе.
Фільмаграфія[рэдагаваць | рэдагаваць крыніцу]
- 1918/1919 Каруселі жыцьця / Das Karussell des Lebens
- 1922 Пётар Вялікі / Peter der Große — Еўфрасіньня
- 1923 Грошы д’ябла / Der Geldteufel — Marlén Cyproenne
- 1924 Жыцьцё як дом / Das Haus am Meer — Ginos Ehefrau
- 1924 Рукі Орлака / Orlacs Hände — Івона Орлак
- 1924 Пэрліны доктара Толмэджа / Die Perlen des Dr. Talmadge
- 1924 Малайская джонка /Die malayische Dschonke
- 1925 Тайна старой дзевы / Das Geheimnis der alten Mamsell — Тора Брынк, (у тытрах: Agnes Soriana)
- 1925 Жанчына з дрэннай рэпутацыяй / Die Frau mit dem schlechten Ruf — Herminia Barton
- 1925 Спадар генэральны дырэктар / Der Herr Generaldirektor — Ганна Вэйль
- 1925 Прынцэса цырка / Die Zirkusprinzessin
- 1926 Паклоньнікі сонца / Vyznavači slunce — баранэса Тамонава, (у тытрах: Ніка Зорына)
- 1927 Ганначка, што з табой будзе? / Hanicko, co s tebou bude?
- 1928 Любоўныя прыгоды Распуціна / Rasputins Liebesabenteuer — актрыса Варварава
- 1928 Самая прыгожая жанчына Парыжу / Die schönste Frau von Paris
- 1932 Распуцін: Дэмон жанчынаў / Rasputin, Dämon der Frauen — Ганна Вырубава