Аляксандар Мангейм

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Аляксандар Мангейм
Дата нараджэньня 3 чэрвеня 1892(1892-06-03)
Месца нараджэньня Менск, Расейская імпэрыя
Дата сьмерці 4 сакавіка 1959(1959-03-04) (66 гадоў)
Месца сьмерці Чарнаўцы, Украінская Савецкая Сацыялістычная Рэспубліка, СССР
Грамадзянства СССР
Месца вучобы Праскі ўнівэрсытэт
Занятак хірург
Навуковая сфэра хірургія
Месца працы БДУ
Навуковая ступень доктар мэдычных навук

Алякса́ндар Яўхі́мавіч Ма́нгейм (3 чэрвеня 1892, Менск — 4 сакавіка 1959, Чарнаўцы) — беларускі навуковец у галіне хірургіі. Доктар мэдыцынскіх навук, прафэсар.

Жыцьцяпіс[рэдагаваць | рэдагаваць крыніцу]

Нарадзіўся ў сям’і службоўца. Скончыў клясычную гімназію ў Менску, Парыскі мэдычны інстытут[1] (1914), быў ардынатарам адной з парыскіх клінік.

У 1915 здаў дзяржаўныя іспыты на званьне лекара ў Дэрпцкім унівэрсытэце. У часе вайны працаваў хірургам у расейскім войску.

У 1919—1921 — хірург Ігуменскай раённай лякарні. З 1921 г. на мэдычным факультэце Беларускага дзяржаўнага ўнівэрсытэту (з 1930 — Менскі мэдыцынскі інстытут); ардынатар (1921—1924), асыстэнт, пасьля дацэнт хірургічнай клінікі пры ўнівэрсытэце (1924—1930), з 1934 — загадчык катэдры прапэдэўтычнай(en) хірургіі.

У 1941—1945 гг. — на катэдры шпітальнай хірургіі Сталінабадзкага мэдычнага інстытуту(tg) (у 1943—1945 — загадчык[2]). У 1945—1955 — загадчык катэдры шпітальнай хірургіі Чарнавецкага мэдычнага інстытуту(uk)[3].

Працы[рэдагаваць | рэдагаваць крыніцу]

Навуковыя працы па пытаньнях хірургіі дзіцячага ўзросту, гнойнай хірургіі і траўматалёгіі.

  • «Матэрыялы да вывучэньня пытаньня па этыялёгіі і патагенэзе зьнявечвальных артрытаў» (1929, экспэрымэнтальнае дасьледаваньне)
  • «Дзіцячая хірургія» (1933, падручнік)
  • «Матэрыялы да вывучэньня пытаньня па этыялёгіі і патагенэзе зьнявечвальных артрытаў» (1934, доктарская дысэртацыя)
  • «Патагенэз, клініка і лекаваньне ляктацыйнага мастыту» (1936, манаграфія)

Прэміі і ўзнагароды[рэдагаваць | рэдагаваць крыніцу]

Доктар мэдыцынскіх навук (1934), прафэсар (1935).

Заслужаны дзяяч навукі Таджыцкай ССР (1945).

Ордэн Працоўнага Чырвонага Сьцяга, мэдалі.

Ушанаваньне памяці[рэдагаваць | рэдагаваць крыніцу]

У Чарнаўцах на доме, дзе жыў Аляксандар Мангейм, усталяваная памятная дошка.

Крыніцы[рэдагаваць | рэдагаваць крыніцу]

  1. ^ Хадайніцтва праўленьня БДУ аб прадастаўленьні замежных камандзіровак прафэсарам і выкладчыкам. Беларускі дзяржаўны ўнівэрсытэт (22 лютага 1927). Праверана 12 чэрвеня 2018 г.
  2. ^ Кафедра хирургических болезней №2(рас.). ТГМУ имени Абуали ибни Сино (2012). Праверана 12 чэрвеня 2018 г.
  3. ^ Погляд у історію кафедри(укр.) Історія кафедри. Кафедра хірургії №2 БДМУ. Праверана 12 чэрвеня 2018 г.

Літаратура[рэдагаваць | рэдагаваць крыніцу]

  • Беларуская энцыклапедыя: У 18 т. Т. 10: Малайзія — Мугаджары / Рэдкал.: Г.П. Пашкоў і інш. — Менск: БелЭн, 2000. — 544 с.: іл. ISBN 985-11-0169-9
  • Сторінки історії: Бібліографічний довідник завідувачів кафедр та професорів Буко­винської державної медичної академії (1944—1998) / За ред акад. АНВШ України, професора В.П.Пішака. — Чернівці: 1999.

Вонкавыя спасылкі[рэдагаваць | рэдагаваць крыніцу]