Абмеркаваньне:Беларускі экзархат

Зь вялікай літары

Заўважыў адрозьненьні ў напісаньні ўласных назваў на прыкладзе цэркваў. Відаць усё ж варта прывесьці да аднастайнасьці (Вікіпэдыя:Пагадненьні па назвах артыкулаў): «Калі назва артыкулу складаецца зь некалькіх словаў, першая літара першага слова заўжды вялікая, астатнія словы — праз прагал з малой літары (пр. Таварыства беларускай школы)».--Удзельнік:W 20:21, 19 лістапада 2017 (UTC+3)

Трохі засмучваюць вялікія літары на афіцыйным сайце і ў наяўных юрыдычыных дакумэнтах. Але калі ніхто не запярэчыць, мяркую, трэба перанесьці артыкул, бо сярод цэркваў гэта, здаецца, адзіны такі выпадак у нас. --Kazimier Lachnovič (гутаркі) 20:39, 19 лістапада 2017 (MSK)

Я таксама за перанос. Насамрэч, як там юрыдычна — няма значэньня, бо яны могуць пісаць і ўсе літары вялікімі, але тут для напісаньня зь вялікіх літараў няма падставаў. --Red_Winged_Duck 21:42, 19 лістапада 2017 (MSK)

Для пераносу патрабуецца адмін, бо старонка Беларуская праваслаўная царква ўжо існуе для перанакіраваньня.--Удзельнік:W 15:23, 21 лістапада 2017 (UTC+3)

Экзархат

Што такое "экзархат"? Штосьці накшталт "падпарадкоўваецца"?

Экзархат - царкоўная акруга з пэўным узроўнем самакіраваньня. Нешта накшталт правінцыі з намесьнікам. AntonBryl 09:32, 17.верасьня.2006 (UTC)

Дакладней глядзі Экзархат. Гэта рэлігійна-бюракратычны тэрмін. У перакладу на сьвецкую мову -- арганізацыйна адасобленая частка царкоўнае арганізацыі на тэрыторыі іншае дзяржавы, замежная філія. --Adash 10:22, 1 чэрвеня 2010 (UTC)

Таксама пра тое, што такое “экзархат” -- на афіцыйным сайту “Отдела внешних церковных связей Русской православной церкви”: Устав Русской Православной Церкви -- IХ. Экзархаты (рас.) і (тое самае) Глава XII. Экзархаты (рас.). --Adash (гутаркі) 19:46, 27 ліпеня 2013 (FET)

Штосці мала ў вас манастыроў: я налічыў на сайце Беларускага Экзархату згадванне аб 4 мужчынскіх і 8 жаночых па стану на 2002 год.

Можа й так... Зараз спраўджу і падпішу нават. --Aliaks 14:53, 17.верасьня.2006 (UTC)

Ніякай кананічнай "Беларускай Праваслаўнай Царквы" не існуе. Ёсьць кананічны "Беларускі экзархат Маскоўскага Патрыярхату". Калі будзе дадзены аўтаномны статус, як Ўкраінскай Праваслаўнай царкве, тады так можна пісаць. Беларуская Праваслаўная царква — гэта "сталбленьне" мейсца Маскоўскім Патрыярхатам, назва неафіцыйная, абіходная. Пад назваю "Беларуская Праваслаўная царква" мусіць месьціцца старонка неадназначнасьцяў з накіраваньнем на Беларускі экзархат і на розныя самаагалошаныя беларускія аўтакефаліі. — W.V.-S. 22:16, 17.верасьня.2006 (UTC)

Мушу Вас расчараваць: Беларуская Праваслаўная Царква — галоўная і афіцыйная назва экзархата. Гэта замацавана юрыдычна ў статуце. Калі хто-небудзь захоча стварыць царкву з такой назвай - у яго гэтага не атрымаецца, бо суд будзе на баку БПЦ - яна першая выкарыстала такі назоў. Аўтаномія таксама безумоўна назіраецца - япіскапы і сьвяшчэньнікі высьвячаюцца самастойна. Толькі міра ня варыцца ды памінаецца маскоўскі патрыярх. Да таго ж БПЦ - самая кананічная з усіх беларускіх праваслаўных цэркваў, бо знаходзіцца ў бясспрэчных эўхарыстычных зносінах з усімі памеснымі цэрквамі. Гэта факты. Наконт тэарэтычнага ўтварэньня аўтакефаліі можна глянуць, напрыклад, тут. З гэтай прычыны я пляную стварыць старонку Праваслаўная царква на Беларусі, у якой будзе пералічана гісторыя праваслаўя і зроблены спасылкі на сучасныя БПЦ, БАПЦ і г.д. Гэтак жа зроблена ў энцыкляпэдычным даведніку "Рэлігія і царква на Беларусі" Мн.2004 --Aliaks 06:21, 18.верасьня.2006 (UTC)

Тваё, Aliaks, сьцьверджаньне пра назоў аддзяленьня расейскае праваслаўнае царквы «Московский Патриархат» у Рэспубліцы Беларусь — беспадстаўнае і памылковае. Перашакрыніцаю яе афіцыйнага назову ёсьць «Устав Республиканского религиозного объединения “Белорусская Православная Церковь” “Белорусский Экзархат Московского Патриархата”».
1. У гэтым дакумэнту («Устав») адсутнічае афіцыйны назоў Беларускаю моваю, а ёсьць толькі адною Маскальскаю (Расейскаю). Дакумэнты, дзе сьцьверджаный беларускамоўны назоў, я не знайшоў. Як ведаеш такія — дай спасылку. Да таго часу хоць якія формы перакладаў назову на Беларускую мову ёсьць неафіцыйнымі і неабавязковымі.
2. Як бачна, у «Уставе» адсутнічае такая форма саманазову як “Белорусский Экзархат Русской Православной Церкви”. То бок, апошні саманазоў гэтае філіі «Московского Патриархата» на тэрыторыі сьвецкае юрысдыкцыі іншае краіны, Рэспублікі Беларусь, — насамрэч ёсьць неафіцыйным (хай сабе й распаўсюджаный).
--Adash 18:34, 31 траўня 2010 (UTC)

Вось толькі ня трэба мне расказваць казкі. Украінская Праваслаўная царква выдзелена з Маскоўскага патрыярхату і мае кананічны сатус аўтаномнай царквы ў складзе Маскоўскага Патрыярхату. Беларускі Экзархат утвораны ў складзе Маскоўскага Патрыярхату. Калі Маскоўскі Патрыярхат выдзеліць са свайго складу Беларускі Экзархат і надасьць яму назву Беларуская Праваслаўная Царква — тады і бедзе тая назва, якая ёсьць у артыкуле. Тое, што дзяржава рэгіструе статут Республиканского религиозного объединения "Белорусская Православная Церковь" "Белорусский Экзархат Московского Патриархата" ня мае ніякага дачыненьня да кананічнага права. Суды, самую ці ня самую кананічнасьць мы тут не разглядаем. Гаворка ідзе пра няправільную назву. Заўтра я зарэгіструю статут Общества Вселенская Империя "Император в изгнании" і з гэтага я стану Імпэратарам Сусьвету? Назву трэба памяняць. — W.V.-S. 22:19, 18.верасьня.2006 (UTC)

Я тут казкі не расказваю. Магу прадэманстраваць пячатку прыхода - там напісана толькі "Беларуская Праваслаўная Царква". Такім чынам, як Вы і сказалі, РПЦ выдзеліла са свайго складу экзархат і надала яму афіцыйную назву - "Беларуская Праваслаўная Царква" і пэўную аўтаномнасць (хоць і меншую, чым УПЦ МП). Але ўсе размовы - пустыя. Бо існуе ў Беларусі такая арганізацыя - "Беларуская Праваслаўная Царква" (хоць яе назва Вам і не падабаецца) - і ёй прысьвечаная гэтая старонка. А ёсьць Праваслаўная царква на Беларусі, якая можа налічваць некалькі розных юрысдыкцыяў, у тым ліку і з назвай "Беларуская Праваслаўная Царква". --Aliaks 23:12, 18.верасьня.2006 (UTC)

• Заўвага:
  пячатка прыхода — не дакумэнт, тым больш не АК. --Adash 05:40, 1 чэрвеня 2010 (UTC)
• Ня маеш рацыі, Aliaks, з сцьверджаньнем «РПЦ выдзеліла са свайго складу экзархат».
  Панятак «экзархат» па азначэньню ёсьць арганізацыйнаю часткаю цэлага, у дадзеным выпадку — Маскоўскага Патрыярхату. З утварэньнем незалежнае дзяржавы Рэспубліка Беларусь тыя эпархіі Маскоўскага Патрыярхату, што апынуліся на яе тэрыторыі, былі не «выдзеленыя» з Маскоўскага Патрыярхата, а арганізацыйна аб’яднаныя ў форме экзархату, з двума афіцыйнымі назовамі: Беларускі Экзархат Маскоўскага Патрыярхата (аб’ектыўна больш карэктным) і Беларуская Праваслаўная Царква (з палітычна-прапагандысцкаю афарбоўкаю).
  Што такое «экзархат» у Маскоўскім Патрыярхату — падрабязьней тут  (рас.).
  --Adash 10:58, 1 чэрвеня 2010 (UTC)

  У статуце БПЦ (афіцыйны дакумэнт, якім мусіць кіраваца Вікіпэдыя; [1]) напісана: Полное наименование Белорусской Православной Церкви [...] на белорусском языке: «Беларуская Праваслаўная Царква»; Сокращенное наименование Белорусской Православной Церкви [...] на белорусском языке: «БПЦ». Другое официальное наименование Белорусской Православной Церкви – «Белорусский Экзархат Московского Патриархата».

  Ці маглі б вы патлумачыць, чаму варта пазьбягаць асноўнай афіцыйнай назвы (якая да таго ж зьяўляецца больш распаўсюджанай) і выкарыстоўваць другую, менш распаўсюджаную? Тое самае і з РПЦ. (Таксама, наколькі мне вядома, зьмест пячаткі мусіць адпавядаць афіцыйнай назьве, пад якой арганізацыя зарэгістраваная ў Беларусі) —zedlik 12:45, 1 чэрвеня 2010 (UTC)

Так-яно-так, ды трошачкі інакш... Наколькі разумею, Вікіпэдыя мусіць кіравацца не “Статутамі”, а АК? Дык вось, зьвяртаю ўвагу, на істотныя акалічнасьці:

• па-першае: царкоўная структура, пра якую тут йдзе гаворка — “Белорусский экзархат Московского патриархата” (яна-ж “Белорусская православная церковь”) — ёсьць не самастойнаю арганізацыяю, а «подразделение Московского Патриархата (Русской Православной Церкви)» паводле табою-ж, паважаны zedlik, згаданай спасылкі У статуце БПЦ ... (рас.). Тое самае вынікае й з статуту “Русской православной церкви” IХ. Экзархаты (рас.), у якім падрабязна рэглямэнтуецца падначалены стан экзархатаў.
• па-другое: Такім чынам, у нас ёсьць дзьве АК: 1) статут галаўное арганізацыі (“Московский патриархат”) і 2) статут яе структурнага аддзела (“Белорусский экзархат Московского патриархата”). У выпадку несупадзеньняў — якая АК мае больш высокую аўтарытэтнасьць? Дзе назоў “больш афіцыйны”? Як на мае глузды, адказ відавочны: статут “Московского патриархата” (а не статут ягонае філіі). Дык вось: паводле апошняга, асноўным назовам ёсьць “Белорусский экзархат Московского патриархата”, і толькі другім — “Белорусская Православная Церковь”:
  

«15. В Русской Православной Церкви в настоящее время имеется Белорусский Экзархат, находящийся на территории Республики Беларусь. «Белорусская Православная Церковь» — другое официальное наименование Белорусского Экзархата.»[2] (рас.).

Такім чынам вынікае, што выкарыстаньне беларускаю філіяю Маскоўскага патрыярхата ў якасьці першага (звычайна — і адзінага) саманазову “Белорусская православная церковь” ёсьць “мясцовым калярытам”, хай сабе й зафіксаваным у мясцовым дакумэнтаваньню, як-бы мясцова-афіцыйным. А асноўным афіцыйным назовам ёсьць: «Белорусский экзархат Московского патриархата».

--Adash (гутаркі) 19:46, 27 ліпеня 2013 (FET)

• Наконт «палітычна-прапагандысцкай афарбоўкі» магу зазначыць, што Вікіпэдыяй у першую чаргу разглядаецца афіцыйная назва арганізацыі або аб’яднаньня, нават калі яна зьўляецца або можа зьяўляцца некарэктнай. Істотна тое, як арганізацыя называецца афіцыйна або як яе называюць у іншых крыніцах (апошняе — у меншай ступені). —zedlik 12:53, 1 чэрвеня 2010 (UTC)

Асноўным афіцыйным назовам ёсьць: «Белорусский экзархат Московского патриархата».

“Белорусская Православная Церковь” — таксама афіцыйны назоў, але мясцовы (у Беларусі).

(Абгрунтаваньне гл. трохі вышэй). --Adash (гутаркі) 19:57, 27 ліпеня 2013 (FET)

Новы катэдральны сабор

Новы катэдральны сабор зусім не кафедральны сабор--Чаховіч Уладзіслаў (гутаркі) 21:46, 4 кастрычніка 2014 (FET)

Прэамбула і картка

«Маскоўскі патрыярхат» і «Расейская праваслаўная царква» — гэта дзьве роўназначныя назвы адной арганізацыі (прытым Маскоўскі патрыярхат зь іх старэйшая), таму нельга ставіць гэтыя назвы побач: «Маскоўскага патрыярхату Расейскай праваслаўнай царквы». На маю думку, папярэдні варыянт з духкамі быў больш удалым. Потым заснаванае ў кастрычніку 1989 году ў якасьці падразьдзяленьня нясе двухсэнсоўнасьць у тым пляне, што БЭ МП ня толькі заснавалі ў якасьці падразьдзяленьня, але яно такім зьяўляецца і цяпер. Зноў лічу, што папярэдні варыянт быў больш удалым або варта напісаць рэспубліканскае рэлігійнае аб'яднаньне ў Беларусі, кананічнае падразьдзяленьне Маскоўскага патрыярхату (Расейскай праваслаўнай царквы, РПЦ), заснаванае ў 1989 годзе, калі трэба ўпамінуць год заснаваньня ў прэамбуле. Яшчэ мяркую. што статутную мэту варта прапісаць менавіта як статутную мэту («згодна з Статутам займаецца» або «афіцыйна займаецца»), бо паводле факту маем іншыя мэты, чым простае пашырэньне праваслаўнага хрысьціянства. Яшчэ няма проста "Беларускага экзархату", ёсьць "Беларускі экзархат Маскоўскага патрыярхату", бо экзархат — гэта несамастойнае падразьдзяленьне. --Казімер Ляхновіч (гутаркі) 23:43, 6 жніўня 2017 (MSK)

На ўсякі выпадак яшчэ раз напішу, што юрыдычна не існуе такой арганізацыі як «Беларускі экзархат», ёсьць толькі «Беларускі экзархат Маскоўскага патрыярхату» (гл. статут або хаця б тэксты на афіцыйным сайце). Многім у Беларусі хацелася б мець самастойную царкву, аднак на цяперашні момант паводле факту гэта толькі падразьдзяленьне РПЦ з пэўнай ступеньню аўтаномнасьці. --Казімер Ляхновіч (гутаркі) 22:57, 17 жніўня 2017 (MSK)