Ільмёнак

Возера Ільмёнак Панарама Ільмёнку Возера Ільмёнак Краіна Беларусь Плошча 0,2 км² Плошча вадазбору 2,5 км² Максымальная глыбіня 6,2 м Сярэдняя глыбіня 3,1 Найбольшая даўжыня 0,64 км Найбольшая шырыня 0,47 км Даўжыня берагавой лініі 1,9 км Вышыня над узроўнем мора 132,0 Аб’ём вады 2,5 млн м³ Каардынаты 55°40′48.45″ пн. ш. 27°11′21.23″ у. д. Ільмёнак на мапе Беларусі Ільмёнак

Галерэя здымкаў у Вікісховішчы

Ільмёнак — возера ў Беларусі, у басэйне ракі Друйкі. Знаходзіцца ў Браслаўскім раёне Віцебскай вобласьці, за 10 км на паўночны ўсход ад Браслава. Плошча паверхні возера 0,2 км². Даўжыня 0,64 км, найбольшая шырыня 0,95 км. Найбольшая глыбіня дасягае 6,2 м, сярэдняя складае 3,1. Аб’ём вады 2,5 млн м³. Даўжыня берагавой лініі 1,9 км.

На паўночным беразе возера стаіць гістарычнае мястэчка Слабодка.

Апісаньне

Катлавіна тэрмакарставага тыпу, авальная. Схілы маюць вышыню 10—20 м, на поўдзень парослыя лесам, на захадзе і поўначы разараныя. Берагі нізкія, пясковыя, пад хмызьняком, месцамі зьліваюцца з схіламі. Дно спадзістае, да глыбіні 2 м пясковае, ніжэй глеістае. Шырыня палосы расьліннасьці ад 35 да 150 м, зарастае да глыбіні 3 м.

Возера эўтрофанае, слабапраточнае. Упадаюць 2 ручаі, на захадзе выцякае ручай у возера Поцех.

Флёра і фаўна

У возеры водзяцца лешч, шчупак, акунь, лінь, плотка, карась, гусьцяра, краснапёрка ды іншыя віды рыбаў.

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 1998. — Т. 7: Застаўка — Кантата. — 604 с. — ISBN 985-11-0130-3
• Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1
• Энцыклапедыя прыроды Беларусі: у 5 т. Т. 2: Гатня ― Катынь / Рэдкал.: І. П. Шамякін (галоўны рэдактар) і інш. — Мн.: БелСЭ, 1983. — 520 с.