Ёсіф Сярэдзіч

Ёсіф Сярэдзіч
Дата нараджэньня	1 кастрычніка 1949(1949-10-01) (75 гадоў)
Месца нараджэньня	Забараўцы, Лагішынскі раён, Пінская вобласьць, БССР, СССР
Месца вучобы	БДУ Акадэмія грамадзкіх навук пры ЦК КПСС[d]
Занятак	журналіст
Месца працы	Сельская газета Советская Белоруссия Народная газэта Народная Воля
Узнагароды

Ёсіф Паўлавіч Сярэдзіч (нар. 1 кастрычніка 1949, Забараўцы, Пінскі раён) — беларускі журналіст, рэдактар газэты «Народная Воля».

Жыцьцяпіс

Журналістыкай займаецца з 1967 году. Скончыў Беларускі дзяржаўны ўнівэрсытэт і Акадэмію грамадзкіх навук пры ЦК КПСС. Працаваў у «Сельскай газеце», «Советской Белоруссии» (да 1990 году).

З траўня 1990 па студзень 1996 — дэпутат Вярхоўнага Савету XII скліканьня. Адначасова з 1990 па 1995 год займаў пасаду галоўнага рэдактара «Народнай газеты» — органа Вярхоўнага Савета Рэспублікі Беларусь. Выданьне займала ўмераную цэнтрысцкую пазыцыю, імкнучыся адлюстраваць палітычныя погляды большасьці грамадзян.

17 сакавіка 1995 г. Указам № 113 Аляксандр Лукашэнка прызначыў галоўным рэдактарам «Народнай газеты» Мікалая Галко, не зважаючы на тое, што правам прызначаць галоўнага рэдактара сваёй уласнай газэты валодаў толькі Вярхоўны савет.

Сярэдзіч быў вымушаны стварыць новую газэту «Народная Воля», першы нумар якой выйшаў 11 ліпеня 1995 году. З таго часу зьяўляецца галоўным рэдактарам выданьня.