Чарапахі

Чарапахі
Клясыфікацыя
Царства	Жывёлы
Тып	Хордавыя
Падтып	Хрыбетныя
Кляса	Паўзуны
Атрад	Чарапахі
Бінамінальная намэнклятура
Testudines (Linnaeus, 1758)
Арэал
Арэал
Чарапахі на Віківідах  Чарапахі ў Вікісховішчы ITIS 173749 · NCBI 8459

Чарапахі (Testudines) — атрад паўзуноў, які існуе на працягу больш за 220 мільёнаў гадоў. Уключае каля 230 сучасных відаў, што групуюць у 12 сямействаў і 5 падатрадаў, распаўсюджаных у трапічнай і ўмеранай кліматычных зонах амаль па ўсёй Зямлі. Іх падзяляюць на марскіх і наземных (сухапутныя і прэснаводныя).

Апісаньне

Даўжыня панцыра ад 10 см да 2,4 м, маса да 865 кг. Панцыр касьцёва-рагавы або касьцёва-скурысты, складаецца са сьпіннога (карапакс) і брушнога (плястрон) шчытоў. У многіх чарапах пад панцыр уцягваюцца галава, хвост і канечнасьці. Зубоў няма, сківіцы ўкрыты рагавымі пласьцінкамі ў выглядзе дзюбы.

Распаўсюджаньне

Марскія чарапахі пашыраны ў трапічных і субтрапічных зонах акіянаў, наземныя — паўсюдна (акрамя Антарктыды). Жывуць у пустынях, трапічных лясах, у азёрах, рэках, балотах, на марскіх узьбярэжжах, у акіянах і г. д. На Беларусі 1 від — балотная чарапаха эўрапейская.

Асаблівасьці біялёгіі

Наземныя чарапахі кормяцца пераважна расліннасьцю, водныя — жывёльным кормам.

Размнажаюцца на сушы яйцамі. Жывуць некалькі дзясяткаў (зрэдку да 150) гадоў.

Выкарыстаньне чалавекам

Асобныя віды — аб’екты промыслу.

Падатрады

• Скрыташыйныя чарапахі (Cryptodira)
• Бакашыйныя чарапахі (Pleurodira)
• Бесшчытковыя чарапахі (Athecae)
• Марскія чарапахі (Chelonioidea)
• Мяккацелыя чарапахі (Trionychoidea)

Фотагалерэя

• 
  Гофэр-поліфэм
• 
  Чырвонавухая чарапаха
• 
  Зялёная чарапаха
• 
  Балотная чарапаха эўрапейская

Літаратура

• Земнаводныя. Паўзуны: Энцыклапедычны даведнік. Мн: БелЭн, 1996. ISBN 985-11-0067-6

Чарапахі — сховішча мультымэдыйных матэрыялаў