Трыялет

Трыяле́т (па-француску: triolet, trio — трое) — адна з так званых цьвёрдых формаў лірычнай паэзіі. Упершыню зьявіўся ў Францыі ў XIV стагодзьдзі, як скарочаная форма рандэлю.

Трыялет уяўляе сабой верш, які складаецца з 8 радкоў і мае наступную структуру: парадак рыфмаў — a-b-a-a-a-b-a-b, першы, чацьверты ды сёмы радкі строга супадаюць, тое ж датычыцца другога і восьмага радка. Паўторы вершаваных радкоў у трыялеце павінны матывавацца натуральным разьвіцьцём тэмы твора, завастраць увагу чытача на яго асноўнай думцы.

Прыкладам трыялету можа служыць наступны верш Максіма Багдановіча:

Мне доўгае расстаньне з Вамі

Чарней ад Вашых чорных кос,

Чаму ж нядобры час прынёс

Мне доўгае расстаньне з Вамі?

Я пабляднеў ад горкіх сьлёз

І трыялет пачаў славамі:

Мне доўгае расстаньне з Вамі

Чарней ад Вашых чорных кос.

Літаратура

• Вячаслаў Рагойша. Паэтычны слоўнік / Т. А. Гарбачэўская. — 3-е выд., дапрац. і дапоўн.. — Менск: Беларуская навука, 2004. — 576 с. — 2000 ас. — ISBN 985-08-0598-6
• Вячаслаў Рагойша. Тэорыя літаратуры ў тэрмінах. — Менск: Беларуская энцыкляпэдыя, 2001. — 384 с. — 1000 ас. — ISBN 985-11-0197-4