Трагедыя ў Налібаках

Масавае забойства ў Налібоках, Трагедыя ў Налібоках — расправа, учыненая савецкімі партызанамі над грамадзянскім насельніцтвам беларускай вёскі Налібокі (у Налібоцкай пушчы, цяпер тэрыторыя Беларусі) 8 траўня 1943 года. У выніку расправы загінула 128 чалавек, у тым ліку тры жанчыны, некалькі падлеткаў і 10-гадовы хлопчык. Прычынай нападу стала супрацоўніцтва мясцовага насельніцтва з польскай Арміяй Краёвай. Паводле дадзеных Інстытута нацыянальнай памяці Польшчы мясцовай ячэйцы было ва ўльтыматыўнай форме прапанавана падпарадкавацца партызанскаму цэнтру ў Маскве, але тыя адмовіліся, што і паслужыла падставай для карнага рэйда. Непасрэдна расправе папярэднічала перастрэлка партызан з мясцовымі жыхарамі Пасля масавага забойства партызаны выкралі з вёскі 100 кароў і 70 коней.

У справаздачы савецкіх партызан было ўказана, што ў баі ў сяле разьбіты нямецкі гарнізон самаабароны. Было таксама ўстаноўлена, што сілы самаабароны ў Налібоках у выглядзе ўзброенай ячэйкі Арміі Краёвай дзейнічалі пад кантролем акупацыйных уладаў і супрацоўнічалі зь імі. Па ўспамінах вязьня менскага гета Міхаіла Окуня ў 1943 годзе «вельмі шмат партызан загінула ад рук гэтых акаўцаў, і зь імі пачалася вайна».

Трагічныя падзеі ў Налібоках прыцягнулі ўвагу грамадскай думкі ў пачатку XXI стагодзьдзя ў сувязі са стварэньнем галівудскага фільма Выклік (2008) пра габрэйскіх партызанаў Бельскіх, якіх падазравалі ў расправе над палякамі

Спасылкі

• Габрэйскія партызаны злуюць Польшчу
• 65-годзьдзе замоўчанай налібоцкай трагедыі