Паўліны
| Паўліны | |
 | |
| Клясыфікацыя | |
|---|---|
| Царства | Жывёлы |
| Тып | Хордавыя |
| Кляса | Птушкі |
| Атрад | Курападобныя |
| Сямейства | Фазанавыя |
| Род | Паўліны |
| Бінамінальная намэнклятура | |
| Pavo | |
Паўліны (Pavo) — род птушак сямейства фазанавых атрада курападобных.
Адрозьніваюць 2 віды. Паўлін звычайны, або індыйскі, або чубаты (P. cristatus), пашыраны на п-ве Індастан і в-ве Шры-Ланка. Драбнейшы паўлін сінякрылы, або яванскі (P. muticus), пашыраны ў Індакітаі і Інданэзіі; занесены ў Чырвоную кнігу МСАП. Жывуць у зарасьніках, на лясных высечках, па берагах рэк. У Эўропу (Старажытная Грэцыя) завезены ў IV ст. да н. э.
У самцоў даўжыня цела да 125 см, хваста да 45 см, падоўжаных, упрыгожаных «вочкамі» пёраў надхвосьця да 150 см; маса да 4,3 кг. Афарбоўка яркая, пераважна сіне-зялёная, з мэталічным адлівам. На галаве чубок. Самкі драбнейшыя, бурага колеру, бяз доўгага надхвосьця. Кормяцца насеньнем, зернем, травой, насякомымі. Палігамы. Пры такаваньні самец разводзіць пёры надхвосьця веерам і падымае іх амаль вэртыкальна. Нясуць да 6 яец.
Іншае
[рэдагаваць | рэдагаваць крыніцу]Паўлінамі называюць таксама пароду галубоў свойскіх (паўлінавыя галубы, трасуны) зь веерападобным або трубападобным хвастом (адсюль часам назва трубачы). Паходзяць з Індыі, у Эўропе — з 17 ст., адна з найбольш пашыраных парод.
Вонкавыя спасылкі
[рэдагаваць | рэдагаваць крыніцу]
Паўліны — сховішча мультымэдыйных матэрыялаў
 |
Гэта — накід артыкула па заалёгіі. Вы можаце дапамагчы Вікіпэдыі, пашырыўшы яго. |