Косаўская дзяўчына

Ко́саўская дзяўчы́на (па-сэрбску: Косовка девојка), дзяўчы́на з Коса́ва по́ля або ко́саўская дзяўчы́нка — гераіня сэрбскага эпасу, найвядомейшая алеґорыя Сэрбіі ды асноўны сымбаль сэрбскае культуры.

Літаратура

Сустракаецца ў сэрбскай народнай песьні «Косаўская дзяўчына», прысьвечанай Бітве на Косавым полі. Паводле песьні, яна дапамагае параненым сэрбскім ваярам на полі бою і шукае свайго наканаванага Мілана Топліцу і ягоных родных братоў Мілаша Обіліча ды Івана Косанчыча. Ад паміраючага ваяра Паўла Орлавіча яна пазнае пра гібель усіх трох і аплаквае іх скон, кажучы:

Бедная, мне няма на сьвеце шчасьця.
Калі ўхаплюся за галінку елі,
Адразу ж зялёная засохне.

Таксама яна згадваецца ў некаторых песьнях пра Марка Кралевіча^[1].

Жывапіс

Сэрбскі маляр Ураш Прэдыч ёсьць аўтарам карціны «Косаўская дзяўчына», напісанай у 1919 годзе (алей). На карціне дзяўчына даглядае за параненым Паўлам Орлавіч^[2]. Зьяўленне карціны ў 1919 годзе ажывіла косаўскі фэномэн, выказаўшы павагу і пашану сэрбскім жаўнерам-героям Першае сусьветнае вайны.

Скульптура

У 1907 годзе скульптарам Іванам Мэштравічам была створаная скульптура «Косаўская дзяўчына».

Кінематоґраф

У 1989 годзе югаслаўскі рэжысэр Здраўка Шотра зьняў фільм «Бітва на Косавым полі». Ролю косаўскае дзяўчыны выканала Катарына Гойкавіч.

Глядзіце таксама

Ураш Прэдыч

Крыніцы

Вонкавыя спасылкі

Тэкст песьні "Дзяўчына з Косава поля" ў перакладзе на расейскаю (рас.)

[1] Часопіс «Дух христианина». №7. Артыкул «Небо над Сербией»

[2] Объяснение картины «Косовская девушка»

[1]

[2]