Прагляд крыніцы для Карл III (кароль Вялікабрытаніі)

{{Манарх}}
'''Карл III''' ({{мова-en|Charles III}}; {{Н}} 14 лістапада 1948 году) — кароль [[Вялікабрытанія|Вялікабрытаніі]] і 14 іншых сябраў [[Садружнасьць нацыяў|Садружнасьці нацыяў]]. Успадкаваў пасад 8 верасьня 2022 году па сьмерці сваёй маці каралевы [[Лізавета II|Лізаветы II]]. Карл ёсьць спадчыньнікам, які самы працяглы час знаходзіўся ў гэтым статусе ў брытанскай гісторыі. Таксама ён ёсьць самым узроставым чалавекам, які заняў брытанскі трон, што зрабіў у веку 73 гадоў.

Карл нарадзіўся ў [[Бэкінггэмскі палац|Бэкінггэмскім палацы]] за часам панаваньня свайго дзеда караля [[Георг VI|Георга VI]]. Малому было ўсяго тры гады, калі ягоная маці ўзышла на трон у 1952 годзе, што адразу зрабіла Карлам першым спадкаемцам пасаду. У 1958 годзе ён атрымаў тытул [[прынц Ўэйлскі|прынца Ўэйлскага]], але афіцыйную цырымонію зладзілі толькі ў 1969 годзе. Па сканчэньні школы ў Вялікабрытаніі, Карл правёў шэсьць месяцаў ва ўнівэрсытэцкім гарадку [[Джылонская граматычная школа|Джылонскай граматычнай школы]] ў штаце [[Вікторыя (Аўстралія)|Вікторыі]], [[Аўстралія]]. Атрымаўшы ступень бакаляўра мастацтваў у [[Кембрыдзкі ўнівэрсытэт|Кембрыдзкім унівэрсытэце]], Карл меў служыць у [[Каралеўскія вайскова-паветраныя сілы|Каралеўскіх вайскова-паветраных сілах]] і [[Каралеўскі вайскова-марскі флёт|Каралеўскім вайскова-марскім флёце]] з 1971 па 1976 гады. У 1981 годзе ён ажаніўся з лэдзі [[Дыяна Спэнсэр|Дыянай Спэнсэр]], зь якой у яго былі два сыны — [[Ўільям (прынц Ўэлскі)|Ўільям]] і [[Гары (герцаг Саксэкса)|Гары]]. У 1996 годзе пара разжанілася пасьля таго, як кожны зь іх быў запрыкмечаны ў пазашлюбных адносінах. У 2005 годзе Карл абраўся шлюбам з сваёй шматгадовай каханкай [[Каміла Паркер Боўлз|Камілай Паркер Боўлз]].

Як прынц Ўэйлскі, Карл выконваў афіцыйныя абавязкі ад імя каралевы Лізаветы II. Ён заснаваў моладзевую дабрачынную арганізацыю «[[Траст прынца]]» ў 1976 годзе, якая спансуе дабрачынныя арганізацыі, а таксама ён ёсьць заступнікам, прэзыдэнтам і сябрам больш чым 400 іншых дабрачынных арганізацыяў. Выступаў за захаваньне гістарычных будынкаў і важнасьць архітэктуры ў грамадзкім жыцьці<ref>[https://web.archive.org/web/20181203104133/https://www.architectsjournal.co.uk/news/profession-reacts-to-prince-charles-10-design-principles/8674432.article «Profession reacts to Prince Charles’ 10 design principles»]. Architects Journal.</ref>. Зьяўляючыся крытыкам [[мадэрнізм]]у ў [[архітэктура|архітэктуры]], Карл працаваў над стварэньнем уласнага экспэрымэнтальным гораду, заснаваным на сваіх архітэктурных густах. Кароль ёсьць аўтарам альбо суаўтарам звыш 20 кніг. Ёсьць вядомым крытыкам ужываньня генэтычна мадыфікаванай ежы. Падтрымка ім [[гамэапатыя|гамэапатыі]] і іншай альтэрнатыўнай мэдыцыны выклікала розгалас і крытыку на ягоны адрас.

== Каранаваньне ==
6 траўня 2023 году адбылося [[каранаваньне]] Карла ІІІ на караля Вялікабрытаніі. Ён стаў 40-м манархам з 1066 году, якога каранавалі ў [[Ўэстмінстэрскае абацтва|Ўэстмінстэрскім абацтве]]. Выправу з [[Букінгэмскі палац|Букінгэмскага палацу]] на каралеўскай карэце з [[жонка]]й Камілай суправаджалі 200 [[вершнік]]аў. У [[парад]]зе з нагоды каранаваньня задзейнічалі 7000 вайскоўцаў. Ва ўсіх урачыстасьцях узялі ўдзел 10 000 брытанскіх вайскоўцаў і звыш 400 жаўнераў і афіцэраў з 39 іншых краінаў. Пасьля 2-гадзіннай службы і [[Памазаньне|памазаньня]] караля з жонкай суправаджалі 4000 вайскоўцаў і музыкаў 19 вайсковых [[Аркестар|аркестраў]]. Шэсьце расьцягнулася на 1,5 км. У зваротны шлях Карл ІІІ накіраваўся ў параднай 7-мэтровай [[Карэта|карэце]] з пазалочанага дрэва, якая важыла звыш 4-х тонаў і была вырабленая ў 1762 годзе<ref>{{Навіна|аўтар=[[ТАСС]]|загаловак=У Лёндане праходзіць цырымонія каранацыі Карла III|спасылка=https://zviazda.by/be/news/20230506/1683373674-u-londane-prahodzic-cyrymoniya-karanacyi-karla-iii|выдавец=Газэта «[[Зьвязда]]»|дата публікацыі=6 траўня 2023|дата доступу=8 траўня 2023}}</ref>.

== Крыніцы ==
{{Крыніцы}}

== Вонкавыя спасылкі ==
* [https://www.royal.uk/the-king Старонка] на афіцыйнай бачыне каралеўскай сям’і.

{{Сучасныя манархі}}

[[Катэгорыя:Кіраўнікі Вялікабрытаніі]]
[[Катэгорыя:Каралі Вялікабрытаніі]]