Данстан

Данстан (па-ангельску: Dunstan; 910 — 19 траўня 988^[1]) — сьвяты^[2], эпіскап Ўустэру й Лёндану, архіэпіскап Кэнтэрбэрыйскі й патрыярх ангасаксонскай царквы. Быў знатнага паходжаньня, выхоўваўся пры манастыры ў Гластанбэры, дзе пазьней быў манахам і настаяцелем.

Кароль Эдрэд даверыў яму фінансавае кіраваньне краіны. Пры каралі Эдвіне Данстан, як звыш строгі мараліст быў выгнаны з краіны ў Фляндрыю^[3], але праз нейкі час змог вярнуцца, бо караля зьмясьцілі з пасады. Новы кароль Ангельшчыны Эдгар вярнуў Данстана да двару. Спачатку ён дараваў былому выгнаніку пасаду эпіскапа, а потым і архіэпіскапа Кэнтэрбэрыйскага. У якасьці парадчыка добра кіраваў краінай і ў той жа час з настойлівасьцю прадвігаў царкоўную рэформу. Шмат увагі надаваў адукацыі^[4].

Пасьля таго, як Эдгар сканаў у 975 годзе, Данстан падтрымаў старэйшага сына нябожшчыка Эдўарда, які й стаў каралём. Але праз тры гады Эдўард быў атручаны. На прастол уступіў яго брат Этэльрэд, але Данстан сышоў з пасады й адаліўся ад двара.

Крыніцы

^ Нацыянальныя біяграфіі з Оксфардзкага слоўніку
^ «Запытай у Оксфарду», Оксфардзкі слоўнік(недаступная спасылка)
^ Answers.com/Сайт пытаньняў і адказаў
^ The Free Dictionary/Вольны слоўнік

Вонкавыя спасылкі

Данстан — сховішча мультымэдыйных матэрыялаў

[1] Нацыянальныя біяграфіі з Оксфардзкага слоўніку

[2] «Запытай у Оксфарду», Оксфардзкі слоўнік(недаступная спасылка)

[3] Answers.com/Сайт пытаньняў і адказаў

[4] The Free Dictionary/Вольны слоўнік

[1]

[2]

[3]

[4]