Вітольд Міладоўскі

	Вітольд Міладоўскі
	1837 — 1863
Месца нараджэньня	Наваградзкі павет, Гарадзенская губэрня, Літоўскае генэрал-губэрнатарства, Расейская імпэрыя;
Месца сьмерці	Іркуцк, Расейская імпэрыя;

Вікіпэдыя мае артыкулы пра іншых асобаў з прозьвішчам Міладоўскі.

Віто́льд Феафі́лавіч Міладо́ўскі (1837?, Наваградзкі павет — 1863, Іркуцк) — удзельнік паўстаньня 1863—1864, інжынэр-прапаршчык расейкай арміі.

Належаў да ваенна-рэвалюцыйнай арганізацыі ў Пецярбургу. Пасьля пачатку паўстаньня супраць расейскага панаваньня ў сакавіку 1863 году вярнуўся на радзіму, дзе ў красавіку ўзначаліў сфармаваны ў Налібоцкай пушчы паўстанцкі атрад Наваградзкага павету і на чале яго 22 траўня ўдзельнічаў у Мілавідзкай бітве (Слонімскі павет), якая скончылася перамогай паўстанцаў. Згодна з загадам Уладзіслава Борзабагатага, паўстанцкага камісара Наваградзкага павету, Наваградзкі атрад вырашыў вярнуцца ў Наваградзкі павет. Аднак гэта не ўдалося, 28 чэрвеня апошняя ацалелая частка атраду на чале зь Міладоўскім пацярпела паразу паміж вёскамі Драчылава і Ігнатава^[2].

Міладоўскі быў арыштаваны і сасланы ў Сыбір.

Крыніцы

^ ^а ^б https://viupetra2.3dn.ru/publ/miladovskij_v_f/13-1-0-2660
^ Вадзім Усьціновіч. Рута-мята ды памята. Падножку падставіла… гісторыя // Маладосць : Часопіс. — Красавік, 2011. — № 4 (689). — С. 110-121. — ISSN 0131-2308.

[_1a0bee3a963fd4fb-1] а ^б https://viupetra2.3dn.ru/publ/miladovskij_v_f/13-1-0-2660

[2] Вадзім Усьціновіч. Рута-мята ды памята. Падножку падставіла… гісторыя // Маладосць : Часопіс. — Красавік, 2011. — № 4 (689). — С. 110-121. — ISSN 0131-2308.

[1]

[2]