Бразыльскі зьвяз
| Бразыльскі зьвяз | |
 | |
| Дата заснаваньня | 8 лютага 2022[1] |
|---|---|
| Ідэалёгія | лібэральны кансэрватызм[d][1] і эканамічны лібэралізм[d][1] |
| Афіцыйны сайт | uniaobrasil.org.br |
Бразы́льскі зьвяз (па-партугальску: União Brasil; UNIÃO) — лібэральна-кансэрватыўная палітычная партыя ў Бразыліі. Партыя была закладзеная 6 кастрычніка 2021 году ў выніку зьліцьця паміж Дэмакратамі і Сацыял-лібэральнай партыяй. Зьліцьцё прывяло да ўтварэньня найвялікшай партыі ў краіне. Афіцыйна Найвышэйшы выбарчы суд Бразыліі зацьвердзіў стварэньне аб’яднаньня 8 лютага 2022 году[2][3][4][5]. На усеагульныя выбары 2022 году партыя вылучыла Сараю Траніке як кандыдатку на пасаду прэзыдэнта[6]. Яна працавала адвакаткай і сэнатаркай ад штату Мату-Гросу-ду-Сул. Кандыдатам на пасаду віцэ-прэзыдэнта быў вылучаны эканаміст і фэдэральны дэпутат Сан-Паўлу Маркус Сынтра[6].
Ідэалёгія
[рэдагаваць | рэдагаваць крыніцу]Як і папярэдніцы, Бразыльскі зьвяз мае правы ўхіл у палітычным спэктры[7]. Палітоляг Вінісіюс Віейра ахарактарызаваў зьліцьцё як спробу лібэральных партыяў ахапіць электарат правіцы, які расчараваўся палітыкай прэзыдэнта Жаіра Балсанару[8]. Пры закладзе партыі быў вызначаны маніфэст, які зацьвярджаў асноўныя палітычныя каштоўнасьці зьвязу. Сярод іх вылучаюцца каштоўнасьць дэмакратыі, дзяржаўнасьці, свабоды і сям’і.
Крыніцы
[рэдагаваць | рэдагаваць крыніцу]- ^ а б в https://uniaobrasil.org.br/
- ^ Renato Alves (6 October 2021). «Convenção marca junção de PSL-DEM e surgimento do União Brasil». O Tempo
- ^ «Qual deve ser a cara do novo União Brasil, partido resultado da fusão de DEM e PSL?». Correio Braziliense.
- ^ «Fusão pode ser referência de uma direita sem Bolsonaro». Nexo Jornal.
- ^ «União Brasil fortalece muito pré-candidatura de ACM Neto ao governo', diz Bruno Reis». Política Livre.
- ^ а б «DEM aprova, por aclamação, fusão com PSL; novo partido se chamará União Brasil». G1.
- ^ «'Fusão pode ser referência de uma direita sem Bolsonaro'». Nexo Jornal.
- ^ «Direita cria maior partido do Brasil para fazer frente a Lula e Bolsonaro». DN.