Прагляд крыніцы для Аўрам Грант

{{Футбаліст}}
'''Аўраам «Аўрам» Грант''' ({{мова-he| אַבְרָהָם "אַבְרָם" גְרַנט}}) — ізраільскі футбольны трэнэр. Апошняй значнай камандай, якую трэнаваў адмысловец была [[Зборная Ганы па футболе|нацыянальная зборная Ганы]].

== Біяграфія ==
[[Файл:Avram_Grant_Chelsea_close.jpg|значак|зьлева|Аўрам Грант.]]
Нарадзіўся 6 траўня 1955 году ў [[Пэтах-Тыква|Пэтах-Тыкве]], [[Ізраіль]]. Прызначаны трэнэрам «Чэлсі» 20 верасьня 2007 году. У ліпені 2007 году Аўрам Грант прыйшоў у «[[Чэлсі Лёндан|Чэлсі]]» на пасаду дырэктара па футболе. Да гэтага ён выконваў тыя жа абавязкі ў «[[Портсмут (футбольны клюб)|Портсмуце]]». У верасьні 2007, пасьля сыходу [[Жузэ Маўрыньню]], Грант стаў галоўным трэнэрам каманды. [[Стыў Кларк]] застаўся памагатым трэнэра. Да прыходу на «[[Фрэтан Парк]]» Грант трэніраваў зборную Ізраілю, і ледзь было не вывяў яе на чэмпіянат сьвету 2006 году. Пад кіраўніцтвам Гранта зборная Ізраілю ні разу не прайгравала, нават у складаных адборачных матчах з Францыяй і Швайцарыяй.

52-летні адмысловец пачаў сваю трэнэрскую кар’еру ў «[[Гапаэль Пэтах-Тыква|Гапаэлі]]», які гуляе ў яго родным горадзе Пэтах-Тыква, і вывяў клюб на другое месца ў лізе ў сэзоне 1990—1991 гадоў, чаго ніхто не чакаў. Таксама ён два разы перамог з «Гапаэлем» у Кубку Інтэртота. Пасьля гэтага ён выйграў ізраільскую лігу з «[[Макабі Хайфа|Макабі]]» ў свой першы сэзон, адарваўшыся ад найбліжэйшага прасьледавальніка ў табліцы на 13 пунктаў. «Макабі» тады дайшоў да фіналу Кубка Ізраілю, але ня змог перамагчы. Кубак яны выйгралі ў 1994 годзе, а ў 1995 зноў сталі чэмпіёнамі, пасьля чаго Грант вырашыў перайсьці ў каманду галоўнага канкурэнта «Макабі» — «[[Гапаэль Хайфа|Гапаэль]]» з [[Хайфа|Хайфы]], але зь імі заняў толькі чацьвёртае месца. У 1997 Грант вярнуўся ў [[Тэль-Авіў]], і зноў перамог у Кубку Інтэртота ў 1999. У 2000 году ён стаў трэнэрам «Макабі» з Хайфы. Менавіта тамака Грант дамогся свайго найбольшага посьпеху ў клюбным футболе. За два гады ён двойчы перамог у чэмпіянаце, а ў 2002 годзе выйграў Кубак Інтэртота, што было своеасаблівым суцяшэньнем за прайграны кубак краіны ў тым жа годзе.

Да дасягненьняў Гранта можна аднесьці разьвіцьцё талентаў [[Ёсі Бэнаюн]]а і [[Аегбэні Якубу]], і посьпех нацыянальнай [[зборная Ізраілю па футболе|зборнай Ізраілю]]. У зборную Грант прыйшоў у ўзросьце 46 гадоў, і стаў самым маладым трэнэрам ізраільцян за ўсю гісторыю. Ён дамогся са зборнай узрушаючых вынікаў, і стаў самым пасьпяховым яе трэнэрам. З Ізраілем ён правёў 33 матчу, зь іх выйграў 14, унічыю згуляў 13 і прайграў 6.

У чэрвені 2006 году Грант прыйшоў у «Портсмут», дзе працаваў разам з [[Гары Рэднап]]ам, пакуль не атрымаў прапанову ад «[[Чэлсі Лёндан|Чэлсі]]».

== Крыніцы ==
{{Крыніцы}}

== Вонкавыя спасылкі ==
* [https://web.archive.org/web/20190619035402/https://www.goal.com/en-us/Articolo.aspx?ContenutoId=420328 Інфармацыя на Goal.com] {{ref-en}}

{{Гана на КАН-2015}}
{{Гана на КАН-2017}}

{{САРТЫРОЎКА_ПА_ЗМОЎЧВАНЬНІ:Грант, Аўрам}}
[[Катэгорыя:Нарадзіліся 6 траўня]]
[[Катэгорыя:Нарадзіліся ў 1955 годзе]]
[[Катэгорыя:Ізраільскія футбольныя трэнэры]]