Аляксандар Каханоўскі
- Вікіпэдыя мае артыкулы пра іншых асобаў з прозьвішчам Каханоўскі.
Аляксандар Каханоўскі | |
| Дата нараджэньня | 24 ліпеня 1963 (61 год) |
|---|---|
| Месца нараджэньня | |
| Месца вучобы | Беларускі дзяржаўны ўнівэрсытэт |
| Занятак | гісторык |
| Навуковая сфэра | гісторыя |
| Месца працы | Беларускі дзяржаўны ўнівэрсытэт |
| Сябра ў | Беларуска-германская гістарычная камісія[d][1] |
| Навуковая ступень | доктар гістарычных навук[d] |
| Узнагароды |  |
Алякса́ндар Кахано́ўскі (нар. 24 ліпеня 1963 году, Маладэчна, Менская вобласьць, БССР) — беларускі гісторык.
Біяграфія
[рэдагаваць | рэдагаваць крыніцу]Нарадзіўся ў Маладэчне. Сын Генадзя Каханоўскага. З адзнакай скончыў гістарычны факультэт БДУ (1985), асьпірантуру пры ім (1988). Абараніў кандыдацкую дысэртацыю «Социально-классовая структура населения Белоруссии во второй половине ХIХ века». Кандыдат гістарычных навук (1989).
3 1988 году навуковы супрацоўнік, старшы навуковы супрацоўнік, вядучы навуковы супрацоўнік, кіраўнік навукова-дасьледчае лябараторыі гісторыі Беларусі БДУ. З 1991 году намесьнік дэкана гістарычнага факультэту БДУ па навуковай працы. Адначасова з 1992 году дацэнт катэдры гісторыі БДУ. З 1999 году загадчык катэдры гісторыі Беларусі новага й найноўшага часу.
Аўтар больш за 140 навуковых і навучальна-мэтадычных прац, у тым ліку ў суаўтарстве манаґрафіі, 20 навучальных дапаможнікаў па гісторыі Беларусі. Распрацаваў і чытае для студэнтаў гістарычнага факультэта лекцыйныя курсы па гісторыі Беларусі XIX ст. і гісторыі Беларусі з 1939 г. да пачатку XXI ст., адмысловы курс «Інтэлігенцыя Беларусі XIX — пачатка XX ст.» і інш. Зьяўляўся кіраўніком шэрагу навуковых праектаў, якія фінансаваліся Міністэрствам адукацыі Рэспублікі Беларусь. Сябра навуковай рады Дзяржаўнай комплекснай праграмы навуковых дасьледваньняў «Гісторыя і культура».
Навуковыя дасьледаваньні
[рэдагаваць | рэдагаваць крыніцу]Дасьледуе сацыяльныя і этнакультурныя працэсы на Беларусі ХІХ—ХХ ст. Аўтар падручнікаў, даведачна-інфармацыйных дапаможнікаў: «Гісторыя Беларусі» (1994), «Гісторыя Беларусі: Навучальны дапаможнік…» (1996) і інш. Суаўтар кнігі «Руплівец нашай старасьветчыны: Яўстах Тышкевіч» (Мн., 1991), напісанай разам з Генадзем Каханоўскім.
Крыніцы
[рэдагаваць | рэдагаваць крыніцу]Літаратура
[рэдагаваць | рэдагаваць крыніцу]- Каханоўскі Аляксандр Генадзьевіч// Корзенко Г. В. Историки Беларуси в начале ХХI столетия: биобиблиографический справочник. — Мн.: Беларуская навука, 2007. — С. 159.