ZIGZAG

	ZIGZAG
Гады	2003 — 2011; 2016 — нашы дні
Краіна	Беларусь;
Месца ўтварэньня	Менск, Беларусь
Мова	беларуская
Жанр	рок
Выдавец	БМАgroup ды інш.
Зьвязаныя праекты	BLOG OF MAD!!!
Удзельнікі	Ігар Загумёнаў - сьпеў, гітара, сынтэзатары;; Яна Гараніна - дуда (валынка), дудка, акарына, DJ;; Аляксей Ефрэменка - ударныя;

ZIGZAG (бел.: З Ігарам Загумёнавым) — беларускі рок-гурт, заснаваны ў г. Менску ў 2003 годзе Ігарам Загумёнавым. Калектыў працуе ў стылях Альтэрнатыўны рок, Industrial, Synthpop з элемэнтамі беларускай этнічнай музыкі.

Калектыў выступаў на вялікай беларускай эстрадзе, у клюбах і на вялікіх канцэртных пляцоўках роднага гораду Менску, выступаў у заходняй Эўропе і Афрыцы. У тым ліку на гала-канцэрце «СЬВЕТ БЕЗ МІНАЎ» у г. Найробі, Кенія.

Нягледзячы на тое, што асноўная частка творчасьці ZIGZAG — альтэрнатыўны рок з элемэнтамі этнікі і электронікі, на Радзіме праект найбольш вядомы шырокай аўдыторыі сваімі лёгкімі кампазыцыямі, якія з 2006 году актыўна ратуюцца айчыннымі FM-станцыямі.

У сьлед за посьпехам на радыё пачаўся ўдзел у вялікіх канцэртах на адной сцэне з зоркамі беларускай эстрады, удзел у тэлешоў, ратацыя кліпаў на тэлеканалах. Рэжысэрам кліпа на песьню Song Of The Wave выступіў па сваёй ініцыятыве генэральны прад’юсэр «MTV Мінск» Валянцін Грышко ...

Аднак гурт вырашыў цалкам ня паглыбляцца ў каньюнктуру беларускай афіцыйнай эстрады каб засяродзіцца на экспэрымэнтах з альтэрнатыўнай, і таксама этнічнай музыкай.

У 2010 годзе калектыў прадстаўляе публіцы свой новы праект BLAGI MAT!!! (пасьля зьменіць назву на BLOG OF MAD!!!. З гэтай назвай гурт грае сымбіёз Electro Punk і Folk Punk з правакацыйнымі востра-сацыяльнымі тэкстамі і, нягледзячы на поўнаю адсутнасьць падтрымкі з боку СМІ, дасягае ў клюбах і на фэстывалях яшчэ большага прызнаньня сярод беларускай моладзі, чым ZIGZAG. Пры гэтым музыкі не выкарыстоўваюць для рэклямы свае раньнія заслугі і ўспрымаюцца аўдыторыяй як новы гурт.

У апошнія гады зьяўленьня новых трэкаў і жывыя выступы ZIGZAG бывалі нячастай зьявай у сувязі з занятасьцю музыкаў у BLOG OF MAD!!!.

У жніўні 2011 году адбыўся апошні канцэрт ZIGZAG. Гэта быў сольны канцэрт гурту на адкрытай летняй сцэне Палаца Рэспублікі (г. Менск, Кастрычніцкая плошча).

У жніўні 2016 году калектыў заявіў аб магчымым хуткім вяртаньні гурту ZIGZAG.

Дыскаграфія

Студыйныя альбомы

Bionic@ (2005)
Тры расейскія літары!!! (2007)

Удзел у складанках

Жыць для Беларусі (2005)
Варта Вежы Багоў (2005)
Сяргей Новік-Пяюн. Песьні з-за кратаў (2005)
Не заганяйся (2008)
З крывіцкай сям’і (2009)
Трибьют Нейро Дюбель. Место подписи. (2013)

Артыкулы

Літаратура

Д.П. «ZIGZAG» // Энцыклапедыя беларускай папулярнай музыкі (бел.) / уклад. Дз. Падбярэзскі і інш. — Мінск: Зміцер Колас, 2008. — С. 117–118. — 368 с. — 2000 ас. — ISBN 978-985-6783-42-8

Вонкавыя спасылкі