Rzeczpospolita (газэта)

Зьвесткі зь Вікіпэдыі — вольнай энцыкляпэдыі
(Перанакіравана з «Rzeczpospolita»)
Перайсьці да навігацыі Перайсьці да пошуку
Rzeczpospolita
POL Warsaw Prosta Street.jpg
Тып штодзёньнік
Фармат EURO
Выдавец Gremi Business Communication
Галоўны рэдактар Багуслаў Хработа
Заснаваная 14 студзеня 1982
Мова польская
Штаб-кватэра вул. Проста,51, Варшава, 00-838
Наклад 93 920 (люты 2013)
ISSN 0208-9130

Rzeczpospolita — адна з буйнейшых польскіх штодзённых газэт зь сярэднім накладам 93 920 асобнікаў[1]. У некаторыя гады наклад дасягаў 260 тысячаў. Назву можна перакласьці як «Агульная справа» ці «Рэспубліка».

Выходзіць кожны дзень, акрамя нядзелі. Друкавалася ў фармаце broadsheet, але 15 кастрычніка 2007 зьмяніла фармат выданьня на compact[2]. Выданьне прытрымліваецца больш элітарнага і сур’ёзнага вобразу, чым, напрыклад, яе асноўны канкурэнт — лібэральная Gazeta Wyborcza. Палітычна Rzeczpospolita лічыцца памяркоўна кансэрватыўнай, але не падтрымлівае ніводную сучасную польскую партыю.

Характэрнай асаблівасьцю зьяўляецца падзел газэты на тры тэматычныя разьдзелы ў розных колерах: навіны — белыя, бізнэс — зялёны, юрыдычны разьдзел — жоўты. Разам з гэтымі штотыднёвымі разьдзеламі існуе некалькі дадаткаў, якія выдаюцца раз ці два на тыдзень і прысьвечаныя аўтамабілям, кар’еры, тэлебачаньню, падарожжам. Суботні выпуск газэты дапоўнены разьдзелам пад назвай PlusMius, дзе друкуюцца эсэ аб палітыцы, гісторыі і культуры, якія пішуць вядомыя польскія журналісты, літаратара ці палітыкі.

Крыніцы[рэдагаваць | рэдагаваць крыніцу]