Mebyon Kernow

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Mebyon Kernow
Сыны Карнуолу
Mebyon Kernow Лягатып.png
Лідэр партыі Дык Коўл
Дата заснаваньня 1951
Ідэалёгія Корнскі нацыяналізм
Афіцыйны сайт www.mebyonkernow.org

Mebyon Kernow (па-беларуску: Сыны Карнуола) — рэгіянальная палітычная партыя ў Вялікабрытаніі. Выступае за аўтаномію Карнуолу.

Гісторыя[рэдагаваць | рэдагаваць крыніцу]

Партыя заснавана 6 студзеня 1951 году падчас сустрэчы году ў мястэчку Рэдрут у Карнуоле. На гэтым паседжаньні былі прыняты 7 задачаў для партыі:

  • Вывучэньне лякальных умоваў і спробы выправіць тое, што можа нанесці шкоду найлепшым інтарэсам Карнуолу на фармаваньне грамадзкай думкі ці іншыя сродкі.
  • Падтрымка корнскай мовы.
  • Вывучэньне гісторыі Карнуолу з корнскага пункту гледжаньня.
  • Прызнаньне кельцкага характару Карнуолу, як адной з шасьці кельцкіх краінаў.
  • Публікацыя праспэктаў, публікацыяў у СМІ для папулярызацыі папярэдніх мэтаў.
  • Арганізацыя канцэртаў і мерапрыемстваў з корнска-кельцкім калярытам.
  • Супрацоўніцтва з усімі арганізацыямі, якія зацікаўленыя ў захаваньні кельцкага характару Карнуолу.

У 1975 годзе ад Mebyon Kernow адлучылася Корнская Нацыяналістычная партыя, якая падтрымлівала больш правыя эканамічныя пазыцыі і выступала за поўную незалежнасьць Карнуолу ў будучыні.

Удзел ў выбарах[рэдагаваць | рэдагаваць крыніцу]

На дадзены момант партыя мае 3 (са 123) дэпутатаў у лякальнай радзе Карнуолу.[1] На парляменцкіх выбарах у Вялікабрытаніі 2010 году партыя высунула 6 кандыдатаў, якія разам атрымалі 5379 галасоў, альбо 1,9% ад усіх галасоў па гэтых акругах. Найлепшы вынік атрымаў лідэр партыі, Дык Коўл. Ён атрымаў 2007 галасоў з 47 238, альбо 4,2% па сваёй акрузе.[2]

Супрацоўніцтва зь іншымі партыямі[рэдагаваць | рэдагаваць крыніцу]

Партыя супрацоўнічае з Партыяй Ўэйлзу (Plaid Cymru) і Шатляндзкай нацыянальнай партыяй.

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]